Allard Pieter fan Jongestal, ek wol Allard Pieter van Jongestall stavere (Starum, 12 augustus 1612 – Hallum, 9 novimber 1676), wie in Frysk jurist en diplomaat. Hy wie presidint-riedshear oan it Hof fan Fryslân en ûnder mear fertsjintwurdiger fan de Steaten-Generaal fan de Nederlânske Republyk by de ûnderhannelingen fan it Ferdrach fan Westminster (1654) en it Ferdrach fan Breda (1667) dy't in ein makken oan de earste twa Ingelsk-Nederlânske Oarloggen.
Fan Jongestal studearre Romeinsk-Nederlânsk rjocht en letteren oan de Universiteit fan Frjentsjer tusken 1631 en 1634. Dêrnei studearre er oan de Universiteit Leien en noch wer letter helle er syn doktorsgraad yn Frankryk.
Yn 1644 fertsjintwurdige er de Steaten fan Fryslân yn de Steaten-Generaal en yn 1651 by de Grote Vergadering yn De Haach wêrmei't it Earste Steedhâlderleaze Tiidrek yn de skiednis fan de Republyk begûn.
Yn 1639 boaske er oan Margareta fan Haren, in suster fan de diplomaat Willem fan Haren. It pear krige sân bern dêr't mar fjouwer fan him oerlibben. Harren dochter Sybille (1641-nei 1700)[1] waard dichteres.
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
