The Lord of the Rings: The Fellowship of the Ring
film út 2001 fan Peter Jackson / From Wikipedia, the free encyclopedia
The Lord of the Rings: The Fellowship of the Ring is in Nijseelânsk-Amerikaanske fantasy-aventoerefilm út 2001 ûnder rezjy fan Peter Jackson, mei yn 'e haadrollen Elijah Wood, sir Ian McKellen en Viggo Mortensen. De titel betsjut "De Hear fan 'e Ringen: It Selskip fan 'e Ring". De film is basearre op it boek The Fellowship of the Ring. It is it earste diel fan The Lord of the Rings, in filmtrilogy basearre op 'e ferneamde romantrilogy The Lord of the Rings, fan J.R.R. Tolkien.
The Lord of the Rings: The Fellowship of the Ring | ||
![]() | ||
(Filmposter yn 'e Ingelske Wikipedy) | ||
![]() | ||
makkers | ||
regisseur | Peter Jackson | |
produsint | Barrie M. Osborne Peter Jackson Fran Walsh Tim Sanders | |
senario | Fran Walsh Philippa Boyens Peter Jackson | |
basearre op | The Fellowship of the Ring fan J.R.R. Tolkien | |
kamerarezjy | Andrew Lesnie | |
muzyk | Howard Shore | |
filmstudio | New Line Cinema WingNut Films | |
distribúsje | New Line Cinema | |
spilers | ||
haadrollen | Elijah Wood Ian McKellen Viggo Mortensen | |
voice-over | Cate Blanchett | |
byrollen | Sean Astin Dominic Monaghan Billy Boyd Orlando Bloom John Rhys-Davies Sean Bean Liv Tyler Christopher Lee Cate Blanchett | |
skaaimerken | ||
lân/lannen | ![]() ![]() | |
premiêre | 10 desimber 2001 | |
foarm | langspylfilm | |
sjenre | fantasy-aventoerefilm | |
taal | Ingelsk (ek wat Quenya) | |
spyltiid | 178 minuten | |
budget en resultaten | ||
budget | $93 miljoen | |
opbringst | $887,9 miljoen | |
prizen | 4 × Oscar 1 × Grammy Award 1 × Hugo Award 1 × Nebula Award 5 × BAFTA 1 × SAG Award 3 × Saturn Award 4 × Satellite Award 1 × Locus Award 3 × Empire Award | |
filmsearje | ||
filmsearje | The Lord of the Rings | |
● folgjend diel | The Lord of the Rings: The Two Towers |
It ferhaal folget de hobbit Frodo Baggins, dy't fan syn omke Bilbo in ring erft. Dat blykt de Iene Ring te wêzen dêr't de machtige kweageast Sauron ferlet fan hat om 'e wrâld Midierde ûnder syn bewâld te bringen. Op rie fan 'e tsjoender Gandalf flechtsje Frodo en syn freonen mei syn nuodlike besitting nei it elfske bolwurk Rivendell, dêr't Frodo de taak op him nimt om in kweeste te ûndernimmen nei it lân Mordor, om dêr yn it sintrum fan Sauron syn macht de ring te ferneatigjen yn 'e fjurren fan 'e Doemberch.
The Lord of the Rings: The Fellowship of the Ring waard troch de filmkritisy mei tige loovjende resinsjes ûntfongen en wurdt rûnom beskôge as ien fan 'e bêste en ynfloedrykste films ea makke. De film wûn fjouwer Oscars, in Grammy Award, in Hugo Award, in Nebula Award, fiif BAFTA's, in Screen Actors Guild Award, trije Saturn Awards, fjouwer Satellite Awards, in Locus Award, trije Empire Awards en ferskate oare prizen. It folgjende diel fan 'e trilogy, The Lord of the Rings: The Two Towers, kaam út yn 2002.