From Wikipedia, the free encyclopedia
Stasjon Moerdijk SS (Mdk) wie in stasjon oan de Steatsline I yn it doarp Moerdijk yn de provinsje Noard-Brabân. It stasjon wie in oantal jierren it einstasjon fan Steatsline I. Yn Moerdijk koe oerstapt wurde op de boat nei Rotterdam.
Stasjon Moerdijk SS station Moerdijk SS | ||
![]() | ||
lokaasje | ||
lân | ![]() | |
Provinsje | ![]() | |
gemeente | ![]() | |
plak | Moerdijk | |
adres | Havenkant | |
arsjitektuer | ||
stasjonskoade | Mdk | |
type | Kopstasjon | |
iepening | 1 july 1866 | |
sluting | 27 febrewaris 1928 | |
boujier | 1866 1e stasjonsgebou 1895 2e stasjonsgebou | |
sloopjier | 1895 1e stasjonsgebou 1944 2e stasjonsgebou | |
arsjitekt | 1866 Karel Hendrik van Brederode 1e stasjonsgebou 1895 Karel Hendrik van Brederode 2e stasjonsgebou | |
oare ynformaasje | ||
spoarline | Steatsline I | |
kaart | ||
It stasjonsgebou waard iepene op 1 july 1866 foar treinreizgers doe't dit part fan Steatsline I oanlein wie. It oarspronklike stasjonsgebou fan Moerdijk SS wie in leech en lang stasjonsgebou, besteande út styl- en regelwurk, opfold mei stien, ôfsmard mei semint. It stasjon foldie dêrmei ek oan de strange bepalingen fan de Fêstingswet. It gebou waard ûntwurpen troch de arsjitekt Karel Hendrik van Brederode.
De fêstingwet waard yn 1874 oanpast en it 1e stasjonsgebou út 1866 waard yn 1895 ôfbrutsen om plak te meitsjen foar nijbou. It wie in heech stasjon mei twa fleugels fan ûngelikense lingte. De tagong ta it stasjon wie yn de rjochterfleugel. It stasjon waard sletten op 27 febrewaris 1928.
It 2e stasjonsgebou is yn 1944 op lêst fan de besetters mei in grut part fan it doarp sloopt. It stasjon kaam yn de frontliny te lizen en de besetter brúts alles ôf, om in frij skoatsfjild te krijen.
Oan de oare kânt fan de doarpshaven fan Moerdijk stie oant 1880 noch in stasjonsgebou dit wie Stasjon Moerdijk AR fan Société Anonyme des chemins de fer d'Anvers à Rotterdam (AR).