From Wikipedia, the free encyclopedia
Sjitten is it ûntladen fan in projektyl út in projektylwapen, lykas in gewear, pistoal, kanon, mortier, slinger, kattepûl, bôge of krúsbôge. By fjoerwapens wurdt dat ûntladen it fjurjen of ôffjurjen neamd, om't dêrfoar in ferbrâningsproses needsaaklik is. Ek de lansearring fan in raketwapen kin omskreaun wurde as sjitten of ôfsjitten. Immen dy't sjit, is in skutter of sjitter. As men dêr tige goed yn is, wurdt men in skerpskutter neamd. As men ferskûle leit by it sjitten is men in slûpskutter.
Sjitten wurdt dien as ûnderdiel fan oarlochfiering, misdie, jacht en sport. In lytsskalige konfrontaasje wêrby't sketten wurdt, bygelyks tusken de plysje en kriminelen, hjit in sjitpartij of in fjoergefjocht. In spesifike foarm fan 'e sjitpartij is in drive-by shooting, wêrby't yn it foarbygean út in ridende auto wei sketten wurdt. De sport fan it sjitten mei fjoerwapens is sportsjitten. Ek by beskate oare sporten, lykas biatlon, spilet sjitten in rol. It sjitten mei pylk-en-bôge wurdt hjoed de dei hast altyd spesifyk bôgesjitten neamd, om't sjitten mei fjoerwapens de noarm is.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
