From Wikipedia, the free encyclopedia
Richard Hagemann (Ljouwert, 9 july 1881 - Beverly Hills, 6 maart 1966 Kalifornje, FS) wie in Nederlânske, letter Amerikaanske konsertpianist, dirigint en filmmuzykkomponist.
| Richard Hagemann | ||
 keunstner | ||
 | ||
| Richard Hagemann yn 1909 | ||
| persoanlike bysûnderheden | ||
| nasjonaliteit |  Nederlânsk Amerikaansk | |
| berne | 9 july 1881 | |
| stoarn | 6 maart 1966 (84 jier) | |
| wurkpaad | ||
| wurksum as | konsertpianist, dirigint, komponist, akteur. | |
| medium | Piano | |
| bekendste wurk(en) | Muzyk by de films fan John Ford | |
| jierren aktyf | 1899 - 1954 | |
| prizen | Academy Award | |
| offisjele webside | ||
| (in) IMDb-profyl | ||
Hageman waard grutbrocht yn Ljouwert. Hy wie in soan fan Maurits Hageman fan Sutfen en Hester Westerhoven fan Amsterdam. Hy wie in wûnderbern dy't al mei seis jier konserten joech. Hy studearre yn Amsterdam en joech pianoles. As jongfeint begelate er sjongers en spile er by it Keninklik Operaselskip fan Amsterdam, dêr't er 1899 dirigint fan waard. In skoft hat er noch pianist fan Mathilde Marchesi yn Parys west.[1] Hy reizge 1906 nei de Feriene Steaten om Yvette Guilbert te beselskipjen op har nasjonale toernee. Hy bleau dêr en waard úteinlik Amerikaansk boarger.
Hagemann wie dirigint fan de Metropolitan Opera tusken 1914 en 1932, haad fan de ôfdieling opera oan it Curtis Ynstitút fan 1932 oant 1936 en sân jier regisseur muzyk by Chicago Civic Opera en de Ravinia Park Opera. Fierders wie er gastdirigint by orkesten sa as it Chicago Symphony Orchestra, Philadelphia Symphony Orchestra en Los Angeles Philharmonic. Fjouwer jier lang dirigearre er it Philadelphia Orchestra by har simmerkonserten en fan 1938 ôf dirigearre hy seis seizoenen de Hollywood Bowl-simmer konserten.
Hagemann is ferneamd yn de filmwrâld as akteur en komponist fan filmmuzyk, benammen fan syn wurk oan ferskate films fan John Ford út de letter jierren '30. Hy krige in dielde Academy Award foar syn bydrage oan Ford syn western Stagecoach út 1939. Fierders spile hy lytse rollen yn alve films, bygelyks de rol fan operadirigint yn The Great Caruso. Hy waard lid fan ASCAP yn 1950.
Hagemann komponearre ek earnstiger sjongmuzyk. De opera Caponsacchi, dy't foar it earst útfierd waard yn Freiburg yn 1932 ûnder de titel Tragödie in Arezzo, waard yn 1937 op de planken brocht troch de Metropolitan Opera[2] mei Lawrence Tibbett yn de titelrol.[3] Syn 'konsertdrama' The Crucible waard útfierd yn Los Angeles yn 1943.[4] Syn grutte komposysjes wurden hjoeddedei net folle mear spile, mar in stikmannich fan syn lieten binne ferneamd en wurde tige wurdearre, fral "Do Not Go, My Love", in op muzyk set gedicht fan Rabindranath Tagore.
Hageman wie Nasjonaal Patroan fan Delta Omicron, in ynternasjonaal bruorskip fan beropsmuzikanten.[5]
Yn 2014 waard it Richard Hageman Akwadukt iepene en yn 2016 waard in plakette oanbroch op syn bertehûs Sint Jacobsstraat 35 yn Ljouwert.[6]
Yn 2021 ferskynde in biografy fan de komponist, Richard Hageman. From Holland to Hollywood.
Toanielmuzyk:
Orkest:
Keamermuzyk:
allegear regisearre troch John Ford:
Hagemann hat tsientallen lieten komponearre.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
