In redoksreaksje is in reaksje tusken atomen, molekulen en ioanen, dêr't elektroanen útwiksele wurde. De term redoks is in gearstalling fan de begripen reduksje en oksidaasje: REDuksje en OKSidaasje. Dy soarte reaksje wurdt in soad brûkt yn batterijen en akkú's. Ek rustkjen is in redoksreaksje, en wol de oksidaasje fan izer.
Natrium- en fluor-ioanen ferbine meiïnoar om natriumfluoride te foarmjen. Natrium stiet syn bûtenste elektron ôf om it in stabile elektroanekonfiguraasje te jaan, en dy elektron wurdt troch it fluor-atoom eksoterm oannaam. De ioanen dêr't de iene negatyf en de oare posityf laden binne, lûke inoar dêrnei oan. It natrium wurdt oksidearre, en it fluor wurdt redusearre.
Redoksreaksje tusken fluor en wetterstof dêr't wetterstof (reduktor) elektroanen ôfstiet en fluor (oksidator) dy opnimt; der ûntstiet dêrby wetterstoffluoride