From Wikipedia, the free encyclopedia
Maarten van Rossem (Zeist, 24 oktober 1943) is in Nederlânsk histoarikus. Hy hat him spesjaal talein op de skiednis en polityk fan is de Feriene Steaten (FS). As Amerika-saakkundige wurdt er geregeldwei frege foar alderhanne telefyzje-útstjoerings, ûnder oaren yn de Golfoarloch en hâldt er faak lêzingen foar in algemien publyk. Syn boeken wurde útjûn troch útjouwerij Nieuw Amsterdam.
Maarten van Rossem | ||
![]() | ||
![]() | ||
Maarten van Rossem yn 2017 | ||
persoanlike bysûnderheden | ||
echte namme | Maarten van Rossem | |
nasjonaliteit | ![]() | |
berne | 24 oktober 1943 | |
berteplak | Seist | |
wurkpaad | ||
wurksum as | Histoarikus | |
medium | Telefyzje | |
wurksum by | EO, NCRV, NTR, Universiteit Utert | |
bekend fan | Van Rossem in Amerika, Op reis met Van Rossem, Hier zijn de van Rossems | |
jierren aktyf | 1997-2008 Heechlearaar amerikanistyk |
Van Rossem waard grut yn Wageningen. Syn beppe oan heitekant wie in Ingelse. Dêr helle er it diploma Gymnasium-bêta. Dêrnei studearre er skiednis oan de Universiteit Utert; hy wie dêr fan 1971 ôf wittenskiplik meiwurker en promovearre yn 1983 op it proefskrift Het radicale temperament. De dubbele politieke bekering van een generatie Amerikaanse intellectuelen (1934-1953). Fan 1997 oant 2008 wie er bysûnder heechlearaar amerikanistyk oan de Universiteit Utert. [1]
It Historisch Nieuwsblad keas him ta Histoarikus fan it jier 2003 om't er "Nederlanners koartswilich en histoarysk ferantwurde troch dit aaklik oarlochsjier loadst hat". Syn relativearjend kommintaar op de oanslaggen fan 11 septimber 2001 kaam him yn 't earstoan op in soad krityk te stean. Benammen syn relativearjen yn de NOVA útstjoering, fuort nei de oanslach op it WTC, noaske de presintators, Pieter Jan Hagens en Kees Driehuis net.[2] Letter waard Van Rossems nofteren beskôging op de wrâld mear wurdearre.
Yn 2006 wie er de presintator fan de universiteitskwis UQ2006 by de VPRO.
Simmer 2008 die er mei oan in glossy-útjefte fan it Historisch Nieuwsblad: Maarten!, wol bedoeld as parody op de glossy-rite fan bekende Nederlanners, mar mei in serieuze ynhâld. Dêryn skreau er mei oare histoarisi oer de (skandelike kanten fan) de Amerikaanske presidintsferkiezings, de jierren 1950-1959 en de opgong dy't it populisme yn de Nederlânske polityk makke.[3] It doel wie om it blêd ienris te meitsjen, mar út reden fan de populêrens fan it blêd waard besletten dat der yn juny 2009 in twadde Maarten! útjûn wurde soe, hielendal rjochte op de FS. Anno 2010 is it doel om it fearnsjier in Maarten! ferskine te litten.
Nei syn pensjonearing yn 2008 bleau er noch oant 2010 aan de Universiteit Utert ferbûn.
Yn jannewartis 2009 presintearre er foar de Evangelyske Omrop it programma Van Rossem in Amerika, in rige oer benammen it kristlik leauwe yn de FS. Ek yn Belgje is Van Rossem út en troch op it skerm te sjen.
Yn 2009 naam Van Rossem de sjoggers mei troch it Nederlânsk lânskip yn de NCRV-rige Op reis met Van Rossem.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.