From Wikipedia, the free encyclopedia
Lugo is in stêd yn de regio Galysje yn Spanje mei in oerflak fan 332 km². Yn 2018 hie Lugo 98.276 ynwenners. De stêd leit oan de rivier de Miño.
Lugo | ||
![]() | ||
Emblemen | ||
![]() | ||
Polityk | ||
Lân | ![]() | |
Provinsje | Lugo | |
Regio | ![]() | |
Comarca | Lugo | |
Sifers | ||
Ynwennertal | 98.025 (2018)[1] | |
Oerflak | 332 km² | |
Befolkingsticht. | 300 km² | |
Hichte | 465 m | |
Oar | ||
Stifting | 14-13 f. Kr. | |
Postkoade | 27001 - 27004 | |
Tiidsône | UTC (GMT +1) | |
Simmertiid | DST (GMT +2) | |
Koördinaten | 43° 1' NB, 7° 34' WL | |
Offisjele webside | ||
Webstee fan de stêd |
Lugo is de iennichste stêd fan 'e wrâld dy't omjûn wurdt troch folslein yntakte Romeinske muorren, dy't in hichte fan 10 oant 15 meter berikke by in lingte fan 2.117 meter en dy't 71 tuorren hat. De 3e-iuwske en 4e-iuwse muorren waarden yn 2000 opnommen op de Wrâlderfgoedlist fan UNESCO.
Paulus Fabius Maximus stichte de stêd Lucus Augusti, de Romeinske namme foar de stêd, yn 14 -13 f. Kr. út namme fan syn keizer op it plak fan in militêr kamp dat al sûnt likernôch 25 f. Kr. bestie. It waard wie ien fan de wichtichste stêden yn it noardwesten fan it Ibearysk Skiereilân. De stêd kaam efterinoar yn hannen fan de Sueven, Fisigoaten en Moaren en waard yn de 10e iuw ferovere troch kening Alfons III fan Astuerje. Yn 1129 waard begûn oan de bou fan de katedraal, dy 't romaanske, goatyske, barokke en neoklassisistyske boueleminten befettet.[2]
Lugo is in stêd fan tsjinsten. De wichtichste aktiviteiten binne hannel, administraasje (kantoaren fan de autonome en sintrale regearing) en ûnderwiis en sûnenssoarch (it krekt iepene Hospital Universitario Lucus Augusti is it grutste yn Galysje ). [3]De stadige groei fan de befolking fan de stêd falt gear mei de ûntwikkeling fan de wichtichste ekonomyske sektoaren fan de gemeente. Der is net in protte yndustry en hast allinnich wijd oan de ferwurking fan lânbouprodukten (suvel, fleis, hout).
De universiteit fan Santiago de Compostela hat ferskate fakulteiten op de kampus fan Lugo, ien fan de wichtichste is de fakulteit diergenêskunde, ien fan de meast foaroansteande op dit mêd yn Spanje.
Yn 'e stêd wurdt it deiblêd El Progreso útjûn. [4] It is de meast lêzen krante yn de provinsje Lugo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.