Korrektive ferkrêfting
From Wikipedia, the free encyclopedia
Korrektive ferkrêfting is in haatmisdriuw yn 'e foarm fan in ferkrêfting, wêrby't almeast in lesbyske frou mei geweld of op in oare manear tsjin har wil twongen wurdt ta seksuële mienskip mei ien of mear heteroseksuële manlju, dy't beweare har op dy manear "genêze" te wollen fan har homoseksualiteit. Ditselde komt ek wol, sij it minder faak, yn omdraaide foarm foar, wêrby't in homoseksuële man ferkrêfte wurdt troch ien of mear heteroseksuële froulju. It is de fraach oft de dieders fan sokke ferkrêftings harren eigen bewearings, dat sa'n behanneling homo's yn hetero's feroarje kin, wol echt leauwe; it liket earder in besykjen om 'e slachtoffers te twingen harren mear te konformearjen oan 'e besteande, tradisjonele rolferdieling fan 'e geslachten yn in beskate maatskippij of kultuer, of om harren te straffen foar it ôfwiken dêrfan.