In korporaal is yn 'e militêre hierargy in rang dy't tusken de ûnderofsieren en de sljochtwei soldaten yn sit. Soms wurdt de korporaal ta de ûnderofsiersrangen rekkene, mar formeel heart er dêr net ta. De rang fan korporaal komt foar by de lânmacht, de marine, de loftmacht en de mariniers. By de mariniers is de formele namme fan 'e rang korporaal-marinier. By de lânmacht en de loftmacht besteane twa gradaasjes: de (hegere) korporaal 1e klasse en de (legere) korporaal. By de maresjesee binne de ekwivalinte rangen maresjesee 1e klasse en maresjesee 2e klasse. De oansprektitel foar sawol in korporaal 1e klasse, in korporaal-marinier as in korporaal is "korporaal", útsein by de Operasjonele Tsjinst en Nautyske Tsjinst fan 'e marine, dêr't om histoaryske redens de oansprektitel "kertiermaster" brûkt wurdt.
De boppelizzende rang is sersjant, behalven by de kavalery en artillery, dêr't it wachtmaster is. De ûnderlizzende rang is soldaat 1e klasse de lânmacht en by de loftmacht; matroas 1e klasse by de marine; en marinier 1e klasse by de mariniers. It wurd 'korporaal' is yn 'e sechstjinde iuw oan it Frânsk ûntliend, dêr't njonken corporal ek de foarm caporal bestie. Dy kaam wer fan it Italjaanske caporale, in lytse capo ("haad"), oftewol de oanfierder fan in lyts groepke soldaten. Uteinlik giet capo wer werom op it Latynske caput, dat sawol "haad" as "holle" bestjut.
Skematysk oersjoch
Oersjoch fan 'e korporaalsrangen mei ekwivalinten yn oare kriichsmachtûnderdielen:
Yn 'e Nederlânske kriichsmacht
(oansprektitels kursyf werjûn)
| Keninklike Lânmacht (KL) | Keninklike Marine (KM) | Keninklike Loftmacht (KLu) | Keninklike Maresjesee (KMar) | ||||
|---|---|---|---|---|---|---|---|
| NATO rang OR-4 | NATO rang OR-3/4 | NATO rang OR-4 | |||||
 |
korporaal 1e klasse korporaal |
 |
korporaal korporaal Operasjonele Tsjinst/Nautyske Tsjinst: kertiermaster; by it Korps Mariniers: korporaal-marinier, korporaal) |
 |
korporaal 1e klasse korporaal |
 |
maresjesee 1e klasse maresjesee |
| NATO rang OR-3 | NATO rang OR-3 | ||||||
 |
korporaal korporaal |
 |
korporaal korporaal |
 |
maresjesee 2e klasse maresjesee | ||
Sjoch ek
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
