In iepenbiere wei is in wei dy't eltsenien altyd brûke mei. Sokke wegen wurde yn Nederlân beheard troch de ûnderskate oerheden, te witten it Ryk, de provinsje, de gemeente of it wetterskip. In iepenbiere wei kin ek yn behear wêze by in partikulier of in bedriuw, sa't bygelyks it gefal is mei de Westerskeldetunnel. Dat is in iepenbiere wei, dy't lykwols beheard wurdt troch de NV Westerscheldetunnel. Fierders is it ek mooglik dat de eigner fan in eigen wei dêrop frije tagong jout, sa't faak dien wurdt mei paden troch bosken. Yn sa'n gefal sprekt men fan 'wegen mei in iepenbier karakter'.
De iepenbierheid fan wegen is yn Nederlân wetlik fêstlein yn saneamde Wegewet út 1930. Op sokke wegen is de lanlike ferkearsregeljouwing fan krêft, dy't fêstlein is yn 'e Wegeferkearswet 1994 en it Reglemint Ferkearsregels en Ferkearstekens. Yn Nederlân bestie yn 2003 yn totaal 132.397 km oan iepenbiere wegen, wêrfan:
- 119.437 km oan gemeentlike wegen en wetterskipswegen;
- 7.856 km oan provinsjale wegen;
- 5.107 km oan rykswegen
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.