![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/21/Mei%25C3%259Fen_Domplatz_2_Mei%25C3%259Fner_Dom_dreischiffige_gotische_Hallenkirche_%252C_Westfassade.jpg/640px-Mei%25C3%259Fen_Domplatz_2_Mei%25C3%259Fner_Dom_dreischiffige_gotische_Hallenkirche_%252C_Westfassade.jpg&w=640&q=50)
Domtsjerke fan Meissen
From Wikipedia, the free encyclopedia
De Domtsjerke fan Meissen (Dútsk: Dom zu Meißen) is in protestantske katedraal yn Meissen yn ít Dútske bûnslân Saksen. De tsjerke waard wijd oan Sint-Jehannes en Sint-Donatus en is in suver foarbyld fan Dútske gotyk. Yn de tsjerke is ien fan de rykste tsjerkeynvintarissen fan Saksen oanwêzich. Tagelyk mei de Albrechtsboarch foarmet de domtsjerke in tige moai stedsbyld fan Meissen, dat op de Burgberg boppe de âlde binnenstêd útriizget.
Domtsjerke fan Meißen | ||
bouwurk | ||
![]() | ||
Westlik toerfront | ||
lokaasje | ||
lân | ![]() | |
dielsteat | ![]() | |
plak | ![]() | |
adres | Domplatz | |
bysûnderheden | ||
type bouwurk | Katedraal | |
boujier | 1260-1410; foltôging tuorren 1903-1909 | |
boustyl | Gotyk | |
offisjele webside | ||
Side fan domtsjerke |
Yn 968 stifte kening Otto I it bisdom Meissen. Oant 1581 wie de katedraal de sit fan de roomsk-katolike biskoppen fan Meissen. Dêrnei waard de domtsjerke in protestantsk gebou. Hjoeddedei is de tsjerke de sit fan de biskop fan de protestantsk-lutherske tsjerke fan Saksen. It katolike bisdom Dresden-Meissen hat sûnt 1980 de katedraal yn Dresden.