Dionysus
From Wikipedia, the free encyclopedia
Dionysus (Gryksk: Διόνυσος, Diónysos, útspr.: [di'ɔ.nisɔs], likernôch: "di-ô-ni-sos"; Latyn: Dionysus, útspr.: [di'onisus], likernôch: "di-oo-ni-sûs") is yn it Grykske heidendom en de Grykske mytology de god fan 'e wyn, de druverispinge, dronkenskip, fruchtberens, rituele sljochtsinnigens en rituele útskroevenens. Syn bynamme wie Eleutherios, "de Befrijer". Hy stiet ek bekend as Bachus (Gryksk: Βάκχος, Bakchos, útspr.: ['bakxɔs], likernôch: "bak-chos"; Latyn: Bacchus, útspr.: ['bakxus], likernôch: "bak-chûs"), de namme dy't yn it Romeinske heidendom en de Romeinske mytology foar him brûkt waard. De oarsprong fan Dionysus is ûnwis, en hy wurdt soms omskreaun as in Trasyske god, dy't as útlanner yn it âlde Grikelân arrivearre wêze soe. Argeologyske fynsten út 'e Myseenske perioade toane lykwols oan dat er eins ien fan 'e âldste Grykske goaden wie fan wa't de namme oerlevere is. Neffens de myten soed er de soan fan Seus en Perséfoné wêze en in ktoanysk aspekt fan Seus fertsjintwurdigje. Guon myten wolle hawwe, hy waard twaris berne, mei't er deade wie en werberne as de soan fan Seus en de sterlike Semele. De wichtichste attributen fan Dionysus wiene de tyrsus (in mei wynranken of klimmerblêd omwikkele stôk), de tsjelk en de bolle.
Dionysus Διόνυσος (Diónysos) | ||
2e-iuwsk Romeinsk stânbyld fan Dionysus, te sjen yn it Louvre yn Parys. | ||
persoanlike bysûnderheden | ||
bynamme | de Befrijer | |
religy | Gryksk heidendom Romeinsk heidendom (as Bachus) | |
domein | wyn, de druverispinge, dronkenskip, fruchtberens, rituele ekstaze, rituele sljochtsinnigens | |
wente | de Olympus | |
famyljerelaasjes en oare besibskip | ||
oarehelte | Ariadne | |
heit | Seus (of Amûn) | |
mem | Semele, Demeter en Perséfoné (of Amalteia) | |
broer | Apollo, Ares, Hefaistus, Hearakles, Hermes e.o. | |
suster | Artemis, Pallas Atene, Perséfoné, de muzen e.o. | |
soan | Priapus, Hymenaios, Toäs, Stafylus, Oinopion, Komus, Ftonus e.o. | |
dochter | de graasjes, Deianira e.o. | |
attributen | ||
foarwerp | tyrsus, tsjelk, fallus | |
plant | wynrank, klimmerblêd, figebeam | |
bist | bolle, geit, swarte panter, slange |