From Wikipedia, the free encyclopedia
De Bente is in nôtmûne yn it Drintske doarp Dalen yn 'e gemeente Coevorden.
De Bente | ||
bouwurk | ||
![]() | ||
De mûne yn 2021 | ||
lokaasje | ||
lân | ![]() | |
provinsje | ![]() | |
plak | ![]() | |
adres | De Bente 25 | |
bysûnderheden | ||
type bouwurk | Nôtmûne | |
boujier | 1814 | |
monumintale status | ![]() | |
monumintnûmer | 44563 [1] | |
offisjele webside | ||
Side Doarpstsjerke Dalen |
De mûne waard yn 1814 boud en ferfong in yn 1813 troch besjittings fan Frânsen ôfbaarnde standermûne. Oant 1944 bleau de mûne wurkjen, dêrnei rekke de mûne yn ferfal.
De doedestiidske gemeente Dalen kocht de mûne oan en yn 1976 krige de yntusken ta in piperbus redusearre mûne wer in nije kape mei in wjukkenkrús en in stelling. It duorre lykwols noch oant de jierren 1990 ear't de mûne mealwurk krige, dat ôfkomstich wie fan in mûne út it Dútske Aurich. Yn 1994 wie de mûne wer foar it earst mealfeardich. Sûnt wie de mûne in produksjemûne, dy't trijeris yn 'e wike moal op wynkrêft mealle. De mûnder, âld-ûnderwizer Hans Petit, ferkocht it moal foar it measte yn de mûne, mar hold op 23 desimber 2018 op mei syn ambachtlik bedriuw.
It Drintske Gea hat de mûne doe tagelyk mei de Jantina Helling fan Aalden oernommen fan de gemeente.[2] Dy organisaasje hâldt de mûne mei frijwilligers oan it wurk.
Dalen hat oan de oare kant fan it doarp in noch heere nôtmûne, de museummûne Jan Pol.
De Bente is in achtkante stellingmûne mei in reitdutsen boppebou. De âldhollânske wjukken hawwe in flecht fan 22 meter.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.