De Britske eilannen is in mânske groep eilannen yn it noardwesten fan Jeropa. De eilannen wurde omsletten troch de Noardsee yn it easten, de Atlantyske Oseaan yn it noarden en westen en de Keltyske See en It Kanaal yn it suden.
De twa grutste eilannen binne:
- Grut-Brittanje (Ingelsk: Great Britain)
- Ierlân (Ingelsk: Ireland, Iersk: Éire)
Dizze twa eilannen wurde fan inoar skieden troch it Noarderkanaal, de Ierske See en it Kanaal fan Sint Joaris.
Fierder besteane der noch in hiele protte middelgrutte oant lytse eilannen, dy't ta de Britske eilannen rekkene wurde. De grutste binne:
- Man (Ingelsk: Isle of Man, Manksk: Ellan Vannin)
- Wight (Ingelsk: Isle of Wight)
- Arran (Ingelsk: Isle of Arran, Skotsk-Gaelysk: Eilean Arainn)
- Jura (Skotsk-Gaelysk: Diurach)
- Islay (Skotsk-Gaelysk: Ìle)
- Mull (Skotsk-Gaelysk: Muile)
- Skye (Ingelsk: Isle of Skye, Skotsk-Gaelysk: An t-Eilean Sgitheanach)
As lêste wurde dizze eilannengroepen ek ta de Britske eilannen rekkene:
- Hebriden (en: Hebrides)
- Binnenste Hebriden (Ingelsk: Inner Hebrides)
- Bûtenste Hebriden (Ingelsk: Outer Hebrides)
- Orkney-eilannen (Ingelsk: Orkney Islands)
- Sjetlâneilannen (Ingelsk: Shetland Islands)
- Scilly-eilannen (Ingelsk: Isles of Scilly)
- Kanaaleilannen (Ingelsk: Channel Islands)
Benammen in soad minsken út Ierland hawwe beswier tsjin it brûken fan de term "Britske eilannen", omdat it oanjout dat Ierlân by Grut-Brittanje hearre soe (ynwenners fan Ierlân fiele harren, polityk en kultureel, neat net Britsk). De Ierske Republyk is in ûnôfhinklike steat.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
