Alex Salmond
From Wikipedia, the free encyclopedia
Alex Salmond (folút: Alexander Elliot Anderson Salmond; Linlithgow (Skotlân), 31 desimber 1954) is in Skotsk politikus, dy't fan 2007 oant 2014 de fjirde premier fan Skotlân wie. Fan 1990 oant 2000 en fan 2004 oant 2014 wied er dêrnjonken de lieder fan 'e Skotske nasjonalistyske partij SNP, dy't dernei stribbet om fan Skotlân in ûnôfhinklik lân te meitsjen. Yn 2014 stie Salmond oan it haad fan 'e ja-kampanje yn 'e oanrin nei it Skotske ûnôfhinklikheidsreferindum. Doe't de Skotske befolking yn mearderheid tsjinstimde, besleat Salmond om op te stappen as premier en partijlieder. Hy bleau lykwols in swiergewicht binnen de SNP, en by de Britske nasjonale ferkiezings fan 2015 waard er wer yn it Britske Legerhûs keazen. Uteinlik ferlear er syn sit by de Britske parlemintsferkiezings fan 2017.
Alex Salmond | ||
politikus | ||
echte namme | Alexander Elliot Anderson Salmond | |
nasjonaliteit | Britsk | |
bertedatum | 31 desimber 1954 | |
berteplak | Linlithgow (Skotlân) | |
etnisiteit | Skotsk | |
partij | Skotske Nasjonale Partij | |
lid fan it Britske Legerhûs | ||
amtsperioade | 2015 – 2017 | |
Premier fan Skotlân | ||
amtsperioade | 2007 – 2014 | |
foargonger | Jack McConnell | |
opfolger | Nicola Sturgeon | |
lid fan it Skotske Parlemint | ||
amtsperioade | 1999 – 2001 2007 – 2016 | |
lid fan it Britske Legerhûs | ||
amtsperioade | 1987 – 2010 |