La grafie Faggin-Nazzi e je une grafie dal furlan une vore inovative proponude di Zorç Faggin e di Zuan Nazzi. In cheste grafie a son vignudis fûr publicazions e in particolâr il Vocabulari Talian-Furlan Furlan-Talian dal 1985 e chel dal 2010.
E je une grafie che e à une vore di coerence interne e che e dopre soluzions inovativis come lis letaris š, č e ğ. Chestis soluzions, une vore diferentis di chês tradizionâls des grafiis furlanis, a son stadis ancje la critiche plui grande che i je stade fate a cheste grafie.
Tal 1996 la leç regjonâl 15 e à decretât come uficiâl la grafie elaborade di Lamuela tignint cont des indicazions di une comission nomenade des provincis di Udin, Gurize e Pordenon. Ancje par chel in dì di vuê a son pôcs di lôr che a doprin la grafie Faggin-Nazzi. La grafie uficiâl no je stade proponude dal prof. Lamuela. Sô nome la elaborazion daûr des sieltis di une comission publiche nomenade de Provincie di Udin, adun cun Pordenon e cun Gurize.
A, B, C, Č, D, E, F, G, Ğ, H, I, J, K, L, M, N, O, P, Q, R, S, Š, T, U, V, W, X, Y, Z
Č
La č e ven doprade pal sun palatâl dolç denant des vocâls a, o, u. Te grafie uficiâl si dopre il ç.
Ğ
La ğ e ven doprade pal sun palatâl dolç denant des vocâls a, o, u. Te grafie uficiâl si dopre il z in inizi di peraule e il ç a la fin. Par esempli viaç, zûc, zâl, zovin inte grafie uficiâl a deventin viağ, ğûc, ğâl, ğovin ta cheste grafie.
Š
La Š e ven doprade pal digram sc talian. Cheste e je une pronunzie carateristiche di cualchi varietât dal furlan che no esist te grafie uficiâl dulà che la Šene de grafie Faggin-Nazzie e je nome sene tal standard.
LJ
Il digram lj al ven doprât pal sun come chel dal trigram gli talian. Chest digram nol esist inte grafie uficiâl.
ČH e ĞH
I digrams ČH e ĞH a son i suns palatâls cj e gj da la grafie uficiâl.
J
Il j al ven doprât sedi al inizi de peraule (come te grafie uficiâl) par peraulis come jet, sedi dentri des peraulis pe semivocâl i. Te grafie uficiâl dentri des peraulis no si scrîf mai j ma simpri i (par esempli inte grafie Faggin-Nazzi si scrîf nuje e in grafie uficiâl nuie); a fasin ecezion lis peraulis di composizion: esempli disjerbâ
| |||
|
Gramatiche | Alfabet | Storie | Lessic furlan | Toponims | Vocabolari furlan |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
