From Wikipedia, the free encyclopedia
Il Friûl-Vignesie Julie (Friuli-Venezia Giulia par talian, Furlanija - Julijska krajina par sloven, Friaul-Julisch Venetien par todesc, Friul-Venesia Julia par venit) e je une regjon de Republiche Taliane cuntun 1,2 milions di abitants cun cjâf lûc Triest.
| Friûl-Vignesie Julie | |
 | |
| Non ufiziâl par talian | Friuli-Venezia Giulia |
| Stât | Italie |
| Cjâf lûc | Triest |
| Superficie | 7.924,36 km² |
| Popolazion | 1.192.191 (31/12/2022) ab. |
| Densitât | 150,45 ab/km² |
| Provincis | Lis provincis storichis di Gurize, Pordenon, Triest, Udin a son stadis abrogadis e sostituidis di cuatri Ents di decentrament regjonâi[1] |
| Citâts metropolitanis | |
| President | Massimiliano Fedriga |
 | |
| Sît istituzionâl | |
| Cjale il Progjet regjons | |
| {{{notis}}} | |
 |
«la regjon Friûl-Vignesie Julie a je une sorte di Tanzanie, ven a staj une invenzion gjeografiche, fate di une realtât c'al è il Friûl e di un ricuart c'a je la Vignesie Julie» |
(Cesare Zappulli - L'altra faccia dell'Italia spendacciona - 1971) |
Il Friûl-Vignesie Julie e je une regjon autonome a statût speciâl, formade dal Friûl (che al'è su par ju il 95% dal teritori), e dal toc de Vignesie Julie restade sot de Italie dopo la seconde vuere mondiâl.
E confine a soreli jevât cu la Slovenie, a nord cu la Austrie a soreli bonât cun il Venit, e a sud al è bagnât dal mâr Adriatic.
La regjon si slargje par scuasit 8 mil chilometros in cuadri, de Cjargne, zone montane al cunfin cun l'Austrie, passant pes culinis morenichis, fin ae planure, dividude da la linie des risultivis in alte e basse. Lis cuestis a son bassis a Ovest (Marine di Maran, Marine di Grau e Golf di Panzan) e plui altis e taiuçadis inte zone de ex provincie di Triest, dulà che lis clevis dal Cjars a rivin fin tal mâr.
Il Friûl-Vignesie Julie al è une regjon istituide daspò de Seconde vuere mondiâl, intal 1963: al è formât dal Friûl storic e dal toc di Vignesie Julie restât ae Italie daspò dal tratât di pâs di Paris. Tal 1964 l'Italie e à ricognossût ae regjon la sô autonomie, par vie de vicinance ae Coltrine di fiâr e des minorancis linguistichis ancjemò presints intes zonis di confin cu le Jugoslavie.
Tal 1968 e je stade istituide la provincie di Pordenon, dividint in doi tocs la provincie di Udin.
Chest al è un elenc di vôs di Vichipedie su la storie dal teritori prime dal 1945:
Il teritori de regjon al è pôc compancj e no simpri fertil: par chest il setôr de agriculture nol è svilupât come in altris zonis, di mût che la produzion e e je restade a un bas nivel di mecanizazion.
Inte zone montane (Cjargne) al è presint l'alevament di bovins e suins; inte zone colinâr, soredut inte part orientâl de regjon, e si cultive la vît, par produsi diviersis cualitâts di vin (Merlot, Cabernet, etc.).
La planure permet di coltivâ soredut blave e jerberave.
La pescje e je a vonde svilupade (Lagune di Maran e Lagune di Grau).
Intai ultims agns la grande industrie e je in decjadince; al dì di vuê a son plui dispatussadis lis impresis di plui piçulis dimensions, derivadis dal mont artesanâl.
Turisim:
La regjon e je servide da un aeropuart internazionâl, intitulât a Pieri Savorgnan di Braçà, logât a Roncjis di Monfalcon; a 20 chilometris di Gurize, a 33 di Triest e a 40 di Udin.
Ducj i cjâf lûcs di provincie a son colegâts ae rêt autostradâl taliane: Triest e Gurize cun la A4, Udin cun la A23 e Pordenon cun la A28.
La regjon e je traviersade di impuartantis liniis feroviaris, tant pal trafic passazîrs che pes marcjanziis, come la Ferovie Vignesie-Triest e la Ferovie Udin-Tarvis, prime linie di mont a alte velocitât in Europe. A Çarvignan si cjate il plui grant scâl feroviari de regjon.
Là de Union Europeane al è in vore il progjet clamât Coridôr 5, une linie ad alte velocitât che e varà di colegâ Lisbone cun Kiev, e che traviersarà, daûr dal progjet, ancje la basse furlane.
Zonte regjonâl al dì di vuê (nomenade intal 2023):
President
Vice President
Zonte regionâl
President dal Consei Regjonâl
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg){kind=small}
