From Wikipedia, the free encyclopedia
Clanfurt (tod. Klagenfurt am Wörthersee, slov. Celovec) e je la capitâl dal stât federât austriac de Carintie, in Austrie. E à 92.404 abitants e e je logade sul lâc Wörthersee.
Clanfurt | |
Non ufiziâl: | Klagenfurt |
---|---|
Stât federâl: | Carintie |
Altitudin: | 446 m s.n.m |
Superficie: | 120,11 km² |
Abitants: | 92.404 ab. |
Densitât: | 750 ab./km² |
Coordinadis: | |
CAP: | A-9020 |
Prefìs telefonic: | +43(0)463 |
Targhe: | K |
Sît istituzionâl |
La citât e fo fondade jenfri il 1191 e il 1199 dal Duche di Carintie Bernhard von Spanheim dilunc dal flum Glan, sicu protezion de crosere Nord-Sud e Est-Ovest des rotis comerciâls. Tal 1246, dopo di diviersis aluvions, il centri citât al fo spostât intun lûc plui sigûr.
Tal XVI secul, a seguit di un incendi che al sdrumà la citât, l'imperadôr Massimilian I al donà la citât ae Assemblee Regjonâl. Chest event al permetè di ricostruî e modernizâ la citât, cuntun gnûf centri citadin e gnûfs muris.
Dopo de vignude de ferovie tal 1863, Clanfurt e je deventade un polo industriâl di grande impuartance. A esistin sedis di multinazionâls come Siemens e Philips.
Une vore avanzât al è il comerci, l'artesanât e il turisim.
Clanfurt e je leade ae rêt autostradâl cun la autostrade A2, che lee la capitâl Viene al confin talian di Tarvis.
A esistin colegaments feroviaris direts cun lis plui impuartantis citâts de Austrie, e cun uns citâts talianis (Udin, Pordenon e Vignesie).
A Clanfurt si cjate ancje l'aeropuart Alpe Adria, dulà che a rivin che a partissin un bon numar di svoi internazionâi, soredut chei a bas presit (low cost).
Clanfurt e à ospitât trê partidis des europeis di balon dal 2008.
Distrets e citâts statutariis de Carintie | |
---|---|
Clanfurt | Feldkirchen | Hermagor | Klagenfurt-Land | Sant Vît di Carintie | Spittal an der Drau | Vilac | Villach-Land | Völkermarkt | Wolfsberg |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.