Biologjie

La biologjie e je la sience che studie la vite in dutis lis sôs formis. Il non biologjie al è stât inventât tal XVIII secul dal studiôs francês Jean-Baptiste Pierre Antoine de Monet, cavalîr di Lamarck.

Va dite che nol è simpri facil distingui fra organisims vivents e no vivents (par esempli i virus), par chest l'ogjet de biologjie nol è che al sedi simpri clarementri identificât. Cuant che si studiin lis molecolis, lis celulis e i organisims microscopics la biologjie e à a ce fâ cu la fisiche e cu la chimiche e i confins fra chestis siencis no son nets.

600 PC Talete di Milet al elabore la prime teorie sul cemût che à vût origjin la vite;
350 PC Aristotele al trate di Zoologjie;
50-70 DC Plini il vieli al scrîf la Historia Naturalis;
1665 Hooke al scuvierç la esistence des celulis;
1683 van Leeuwenhoek cul microscopi al identifiche i bateris;
1858 Darwin al presente la teorie de evoluzion;
1866 Mendel al invente la gjenetiche;
1952 Hershey e Chase e discuviergin il DNA paró a no scuviergin la so funzion
1953 James Watson (1928 - ) e Francis Crick (1916 - 2004) a publichin la struture dal DNA e a ipotizin ch'al potedi svolgi la funzion di conservâ le informazion genetiche^[1].