From Wikipedia, the free encyclopedia
Il Trentin-Sudtirôl[1][2][3][4][5] (par talian Trentino-Alto Adige, par todesc Trentino-Südtirol, par ladin Trentin-Südtirol) al è une regjon de Italie dal Nord-Est che al à scuasit un milion di abitants. Al cunfine a Nord cun la Austrie, a soreli jevât e a Sud cun il Venit e a soreli bonât cun la Lombardie. La regjon e je a statût speciâl, dividude in dôs provincis autonomis: une e corispond teritorialmentri al Trentin, e e à par cjâf lûc Trent; la altre e corispond al Sudtirôl e e à par cjâf lûc Bolzan.
Trentin-Sudtirôl | |
![]() | |
Non ufiziâl par talian | Trentino-Alto Adige/Südtirol Costituzion de Republiche Taliane, Part seconde (test par talian) (Art.116) |
Stât | Italie |
Cjâf lûc | Trent |
Superficie | 13.606 km² |
Popolazion | 962.464 (2006) ab. |
Densitât | 71 ab/km² |
Provincis | Trent, Bolzan |
Citâts metropolitanis | |
President | Lorenzo Dellai |
![]() | |
Sît istituzionâl | |
Cjale il Progjet regjons | |
Il Trentin-Sudtirôl al è la regjon plui a Nord de Republiche Taliane, e al è completamentri montagnôs. La mont plui alte e je l'Ortles (3.902 m.), logât inte zone ocidentâl de provincie di Bolzan.
Intal arc setentrionâl, al confin con l'Austrie, si slargjin lis Alps Daesinis, che e rivin ae massime altece di 3.764 m. dal Weisskugel. Des Alps Daesinis e fâs part ancje la Piche d'Italie (2.911 m.), il pont plui setentrionâl de intiere nazion taliane.
Inte valade dal Adis si cjatin i plui grandis abitâts de regjon, come Meran, Bolzan, Trent e Roverêt.
Tal Trentin-Sudtirôl a son presints trei grops lenghistics. Ancje se nol è pussibil vê dâts veramentri precîs, parcè che dome tal Sudtirôl e je proviodude la declarazion di apartenence lenghistiche, cheste tabele e pues dâ une idee sule composizion lenghistiche de popolazion:
Tal Trentin al si favele scuasit completamentri talian, cun comunitâts storichis gjermanofonis (Mochens e Cimbris); tal Sudtirôl la maiorance de int e je invezit gjermanofone, cuntune fuarte minorance che e favele talian (cheste minorance e je ancje rivade al 35 %, par fermâsi in dì di vuei sul 25%).
Tal Trentin-Sudtirôl e je presinte la minorance lenghistiche dai Ladins, che a favelin il ladin, une lenghe romanze. La cussì-clamade Ladinie, che e si slargje ancje tal teritori dal Venit, e comprind 5 valadis: Val Gardena (BZ), Val Badia (BZ), Val di Fassa (TN), Livinallongo del Col di Lana (BL) e tal teritori di Ampezzo (BL).
Ogni valade e à la so variant ladine, che dispes e je avonde difarente di chês altris. Chest al è stât un grand ingredei pal svilup culturâl e lenghistic fûr dai confins de aree dulà ch'al si favele il ladin dolomitic: par chest al si à pensât di creâ une lenghe standard ("ladin standard") che e metes dongje i aspiets plui simils dalis variantis ladinis, cjalant al model dal romanç (favelât tal Cjanton Grisons in Svuizare).
La regjon e je dividude in dôs provinciis autonomis, Provincie di Trent (che al è ancje il cjâf lûc regjonâl) e Provincie autonome di Bolzan. Lis provinciis a puedin cjapâ decisions su une vore di campis, come agricolture, comerci, lavôr, sanitât, scuele, traspuarts e vie indenant, creant di fat dôs regjons autonomis.
La presidence regjonâl e je a rotazion: intune legjislature i doi presidents des provinciis a comandin il consei ognidun par doi agns, gambiant ancje la sede de zonte fra Trent e Bolzan.
Liste dai components de zonte regjonâl (dal 23 di Mai 2006):
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.