![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cf/Soca_Kobarid.jpg/640px-Soca_Kobarid.jpg&w=640&q=50)
Cjaurêt
From Wikipedia, the free encyclopedia
Cjaurêt (Kobarid par sloven), al è un comun de Slovenie di 4.472 abitants. Il comun al à uns 33 localitâts, la plui grande e je Cjaurêt cuntun 1.238 abitants. Cjaurêt e je logade intune posizion strategjiche te alte val dal Lusinç.
![](http://upload.wikimedia.org/wikipedia/commons/thumb/c/cf/Soca_Kobarid.jpg/640px-Soca_Kobarid.jpg)
Cjaurêt e je famose soredut pe bataie de Grande Vuere, tra i 24 di Otubar e i 9 di Novembar 1917, dulà che i talians a combaterin cuintri dai austriacs; la bataie finì cuntune clamorose sconfite pal esercit talian, che al scugnì ritirâsi fin su la Plâf, parcè che no esistevin plans pe difese. Intai agns '90 al è stât fat su un museu par ricuardâ chescj events. Intal sacrari di Sant Antoni, logât parsore di un cuel, a polsin 7.014 soldâts dal esercit talian.
Cjaurêt al fasè part dal Ream di Italie de fin de Prime Vuere Mondiâl fintremai la fin de seconde.
![]() |
Su Wikimedia Commons al è disponibil contignût multimediâl relatîf a: |