![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/10/Il_Lusin%25C3%25A7_a_Pieris.jpg/640px-Il_Lusin%25C3%25A7_a_Pieris.jpg&w=640&q=50)
Lusinç
From Wikipedia, the free encyclopedia
Il Lusinç o Lisunç (loc. Lusins, oben Isuns, Isonzo par talian e par todesc, Soča par sloven) al è un flum che al nas a 1.100 metris s.n.m. in Slovenie des bandis dal mont Terglou (Alps Juliis). Al è lunc 136 chilometris, e al à un bacin di 3.400 chilometris cuadris. In Slovenie al passe par Pleç, Cjaurêt e Gnove Gurize, po al rive in Friûl des bandis di Gurize par la a finîle tal mâr Adriatic dongje di Monfalcon. Te sô bande basse, dal so afluent Vipau (che al scor sot di Gurize), e tache la Bisiacarie che e rive fin al flum Timau).
![](http://upload.wikimedia.org/wikipedia/commons/thumb/1/10/Il_Lusin%C3%A7_a_Pieris.jpg/640px-Il_Lusin%C3%A7_a_Pieris.jpg)
![](http://upload.wikimedia.org/wikipedia/commons/thumb/c/cc/Soca_isonzo_near_its_mouth.jpeg/320px-Soca_isonzo_near_its_mouth.jpeg)
Te sôs aghis si pues cjatà, sore dut te bande slovene, la carateristiche trute marmorade (Salmo trutta marmoratus). Chest pes a zornade di vuê al à a ce fâ cuintri altris cualitâts di trute, puartadis dal forest dopo la vuere dal 1915-18.
L'om al à spandût une vore di sanc tes aghis dal flum; si ricuarde le vitorie di Teudurì cuintri il re dai Ostrogots Odoacri tal 489, la bataie fra Napoleon e i Austriacs tal 1797 e soredut la prime vuere mondiâl che e à viodût in chestis bandis almancul 300.000 oms murî e 700.000 restâ mutilâts o ferîts.
![]() |
Su Wikimedia Commons al è disponibil contignût multimediâl relatîf a: |