From Wikipedia, the free encyclopedia
Erongo as en regiuun uun de aafrikoons stoot Namiibia. At regiuun leit uun a waast faan’t lun. Uun a nuurd leit det Kunene Regiuun, uun a nuurduast det Otjozondjupa Regiuun, uun a süüduast det Khomas Regiuun an uun a süüd det Hardap Regiuun. Det as efter de Erongo Berig neemd. Det hee 150.400 lidj (2011). At hoodsteed as Swakopmund.
![]() |
Det Erongo Regiuun as de seekstgratst regiuun uun Namiibia. At regiuun leit amanbi twesken 20° an 24° (faan a nuurd tu a süüd) an twesken 13° an 17° (faan a waast tu a uast). De Süüdelk Kiarkreis gungt troch a süüd faan at regiuun. A eeg faan't regiuun as amanbi 320 km lung.
De huuchst berig uun Namiibia, de Königstein, wat üüb a Brandberg as, leit uun a nuurdwaast faan't regiuun. Öler berger üüb a Brandberg san det Horn (2519 m) (de naisthuuchst berig) an det Numasfels (2518 m) (de traadhuuchst berig). Öler berger uun't regiuun san de Hohenstein (2319 m), Erongo Berig (2219 m), Omburg (2073 m), Otjipateraberg (1989 m), Witwatersberge (1861 m), Grootberg (1846 m) an Spitzkoppe (1728 m). Letjer berger san de Messum Kraater (726 m) an a Vogelfederberg (527 m).
Nai bi de Erongo Berig lei tau höölin: det Paula Hööle an det Phillip Hööle.
A süüd faan't regiuun as dial faan de Namiib-Naukluft Natschunaalpark. De Dorob Natschunaalpark lingt loongs a eeg faan de Ugab Struum hen tu a süüd faan de Kuiseb Struum.
De Ugab Struum bildet dial faan't grens mä det Kunene Regiuun. De Omaruru Struum leept troch a nuurd iin uun't Atlantik tu a nuurd faan a Kap Farilhao. De Swakop Struum an de Kuiseb Struum luup troch a süüd iin uun de Walvis Bocht.
At regiuun hee 7 woolkreiser:
Woolkreis | Grate | Lidj[1] | Hoodsteed |
---|---|---|---|
Arandis | 10.093 | 9898 | Arandis |
Dâures | 11.350 | 17.752 | Uis |
Karibib | 13.320 | 12.785 | Karibib |
Omaruru | 8577 | 8325 | Omaruru |
Swakopmund | 44.725 | Swakopmund | |
Walvis Bay Lun | 9134 | 26.916 | Walvis Bay |
Walvis Bay Steed | 19 | 35.828 | Walvis Bay |
Efter det 2011 folksteeling wurt det Ovambo Spriik uun 39 prosent faan hüshualer uun’t regiuun spreegen[2].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.