From Wikipedia, the free encyclopedia
Di MS Wellingdorf es en Elektroföri wat ön Kiel ön di Föör mung di Reventloubröch ön di Weesterkant en Diedrichsdorf en Wellingdorf ön di Uasterkant, iin ön di Müring fan di Schwentiine lapt.
Söl'ring |
| ||||||||||||||
| ||||||||||||||
| ||||||||||||||
| ||||||||||||||
| ||||||||||||||
|
Di Reederii es di SFK ön Kiel, di Liinie jit F2 of Schwentinelinie.
Di Wellingdorf heer en Sesterskep, di Düsternbrook
Biiring Elektroskeepen ken 140 Mensken en 60 Weelen me langs fo.
Em ken me of söner Weel mal makelk üp Skep kum aur di Elektrobröch ombi 1,60 m breer es.
Di Wellingdorf waar ön di 22st fan di Bārichtmuun 2022 ön Gang braacht, di Düsternbrook kām fuarof, ön di Krölenmuun fan 2021. Di Düsternbrook heer en litjer Baterii en en bet üđer Löningsbuurtern.
Di Wellingdorf heer ombi 3,2 Miljoonen Euro kostet, Dütsklön heer me ombi 470.000 € holpen.
Di Föri heer en Baterii of Akkumulātor me en Kapatsiteet fan 1.092 kWh.
Dit meent, dat et me 25 kWh Āpleerkraft ombi 40 Stünen waaret en leer en lerig Baterii weđer āp.
Üp Taak heer dit Skep en Solārönlaag, wat di Baterii en bet eeđerleer ken. Me des Technik ken di Föri en hiili Dai faar.
Di gurter Baterii üs bi di Düsternbrook wiar nöörig, dat di Föri ön di Somer bit tö 13 Stünen laap ken.
Bi di Baanhofsbröch sa üs bi di Bröch ön Diedrichsdorf waar Āpleerstatsjoonen becht.
Ön jen Stün lapt di Föri tau Lop trinjom.
Töhop sen dit 4,075 km of aur jen Stün 8,15 km
Aur 13 Stünen sen dit da 105,95 km of 57,21 Seemiilen, hurfuar knap 1.100 kWh nöörig sen.
Dit meent ombi 10 kWh fuar en Kilomeeter of 71,42 Wattstünen fuar en Persoonenkilomeeter, wan 140 Mensken me langs faar. Wan altert ombi 35 Mensken me langs kum, da sen dit ombi 275 Wh fuar en Persoonenkilomeeter.
Fuar di salev Aarber her en Dieselskep ombi 300 Liitern Brenstof nöörig.
Di Öndreft lapt me tau Maskiinen fan 86 kW. Diarme ken di Föri ombi 8,5 bit 9 kn laap. Di Bugstraaler lapt enkelt me en Kraft fan 40 kW.
Di Aurn giar me GTL (Gas to Liquid), en Aart fan Dieselööl, wat fan Öörtgas maaket uur.
Di Wellingdorf heer di ENI[1] 02339529.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.