La gâra de Venécié est na gâra fèrroviére arpitana[V 1] de la ligne[V 2] depués[V 3] Liyon-Pèrrâche jusqu'a[V 4] Marselye-Sant-Charlo (via Grenoblo), el se trove sur lo territouére de la comuna[V 5] de Venécié, diens[V 6] la mètropola de Liyon, en règ·ion Ôvèrgne-Rôno-Ârpes.
 |
Cél articllo est ècrit en arpetan dârfénouès / ORB lârge. |  |
La pèrmiére[V 7] gâra est mise en sèrviço en 1858 por la Compagnie des chemins de fèr du Dârfénât. El serat transfèrâ[V 8] a la Compagnie des chemins de fèr depués Paris jusqu'a Liyon et a la Mèditèrranê (PLM).
El est desservie por los trens de la SNCF (Sociètât Nacionala des Chemins de Fèr francês), de la ligne 01 de la baragne TER Ôvèrgne-Rôno-Ârpes.
Situacion fèrroviére
La gâra se trove a 186 métros d'altitude et u pouent kilomètrico PK 7,782 de la ligne depués Liyon-Pèrrâche jusqu'a Marselye-Sant-Charlo (via Grenoblo), entre-mié les gâres de Liyon-Jian-Macé et de Sant-Priét.
Histouère
Pèrmiéra gâra
La gâra de Venécié a étâ uvèrte lo por la Compagnie des chemins de fèr du Dârfénât, quand el uvre sa pèrmiéra seccion de Liyon jusqu'a Brégon-Jaliô de sa concession de Liyon a Grenoblo. Lo , la Compagnie du Dârfénât fusione avouéc la PLM. Mas el devient na veré gâra de la baragne PLM doux ans més târd, car la convencion de fusion est efectiva aprés doux ans d'explouètacion de la ligne.
La gâra étiêt sur la rue Eugène-Marchal (45° 42′ 25″ B, 4° 52′ 59″ L).
En 1911, y'est na gâra de la compagnie PLM, que pôt recevêr et mandar des dépêches privâs[V 9] et qu'est uvèrta ux sèrviços complets de la granda[V 10] et petita vitessa.
En 1920, la compagnie du PLM construit lo dèpôt de Venécié, qu'est na anexa de Vése et de La Mouche a son uvèrture.
Douxiémo gâra
En 1992, la ligne D du mètro de Liyon est prolongiê[V 11] jusqu'a Venécié. Un pôlo multimodâl est construit sur lo bèluard Ambroise-Croizat. La gâra est dèplaciê[V 12] 430 mètros més u levant diens cél noviô pôlo[1].
Sèrvices voyagiors
Reçua
Céla gâra SNCF at un bâtiment voyagiors avouéc guichêt, uvèrt du delon u dessando et fermâ los jorns de fétes. El est èquipâ[V 13] d'ôtomatos por achetar des titros de transpôrt TÈR[2].
Dèssèrtes
La gâra est dèssèrvie por des trens TÈR Ôvèrgne-Rôno-Ârpes de la relacion de Liyon-Pèrrâche a Sant-André-lo-Goua, sur la ligne 01 de la baragne TER Ôvèrgne-Rôno-Ârpes. Y pôt y avêr jusqu'a un tren totes les 30 minutes en hora pllena, et y at g·ènèrâlament un tren totes les 1 ou 2 hores en hora crose et pendant la fin de semana[3].
Y at avouéc du trafic de marchandises[4].
Entèrmodâlitât
Un parking por los vèlos et les vouètures y est amènagiê[2].
Y at avouéc un pôlo d'èchanges des transpôrts en comon liyonês, a l'entorn de la stacion Gâra de Venécié : dèpârt et terminus de la ligne D du mètrô, ligne du tramevé T4 et ligne de bus urbènes (35, 39, 54, 62, 87, 93 et Zi1).
Dèpôt de locomotives
En 1920, la compagnie du PLM construit lo dèpôt de Venécié, qu'est na anexa de Vése et de La Mouche a son uvèrture.
Cél dèpôt fêsêt la mantenance des artimbales por la traccion des trens sur l'ètêla liyonêse. Il étiêt en pèrmiér un emportant dèpôt de locomotives a vapor, et pués devient mixto (vapor et diesel) por s'ocupar aprés d'engins diesel, et pués de turbotrens a partir de sèptembo 1972, avouéc l'agrandissament des enfrastructures por entretenir les artimbales ETG et RTG durant 30 ans. Il est dês ora un dèpôt de locomotives et d'ôtomotrices èlèctriques, mas des artimbales Diesel povont y étre entretegnues.
En 2020, lo technicentro de Venécié fêt la mantenance d'ôtomotrices èlèctriques du TÈR Ôvèrgne-Rôno-Ârpes (Z 55500, Z 23500, Z 27500 et Z2), et pués des locomotives èlèctriques et termiques de Fret SNCF et d'Akiem.
Notes et rèfèrences
Vêre étot
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
