From Wikipedia, the free encyclopedia
Lo nom marmota dèsigne un genro de mamifèros rongiors de la famelye des sciuridês,que comprend una quinzêna d'èspèces vivent diens les règions pletout frêdes et sovent montagnoses de l'hèmisféro bise. En Eropa il s'agét de la marmota des Arpes (Marmota marmota). Ceti rongior ragot, long de 70 cm (cova comprêsa) et pesant enveron 5 kg a l'âjo adulto, u pelâjo gris-bron - il ègziste de râros endividus albinos - est un bon tèrralyor qu'hibèrne diens sa tâna a muens cinq mês de l'anâ. Il sè nurrét d'hèrbes, de granes, de borjons, de fôlyes et de petites bétyes: moluscos, vèrs, ensèctos, aragnes... Ses emprèssionantes resèrves de grèsse lui pèrmètont de rèsistar tot l'hivèrn sen megiér. La marmota sè reproduit u forél: aprés cinq senanes de gèstacion nêssont de doux a sèpt jouenos que sont alêtâs pendent un mês. Les marmotes mènont na via sociala entensa, els avèrtéssont lors congènèros des dangiérs - renârd, agllo royâl, homo... - per des sôrtes de sublos que pôvont étre aouis a des kilomètros a l'entorn.
 |
Cél articllo est ècrit en arpetan supradialèctâl / ORB lârge. |  |
Rèparticion et degrâ de menaces
La marmota des Arpes sè trôve a pou prés pertot diens lo massif arpin, et u levant tant que diens los Carpatos. Dês los ans 1980 el at étâ rèentroduita diens lo Massif centrâl et los Pirènês. Ceta èspèce est pas considèrâye coment menaciêe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
