![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8b/Mnium_hornum_2005.04.02_14.55.41.jpg/640px-Mnium_hornum_2005.04.02_14.55.41.jpg&w=640&q=50)
Haplôido
cèlula avouéc n cromosomos (et pas 2n) / From Wikipedia, the free encyclopedia
Na cèlula biologica est haplôida (du grèco ancian : ἁπλόος, haploos, « simplo » et εἶδος eidos, « en fôrma de ») quand los cromosomos que contint sont châcun en simplo ègzemplèro (n cromosomo). Lo concèpto est g·ènèralament l’oposâ de diplôido, tèrmo que dèsigne les cèlules a cromosomos en doux ègzemplèros (2n cromosomos).
![]() |
Cél articllo est ècrit en arpetan supradialèctâl / ORB lârge. | ![]() |
![Thumb image](http://upload.wikimedia.org/wikipedia/commons/thumb/9/99/Haploid_vs_diploid.svg/640px-Haploid_vs_diploid.svg.png)
Un organismo ou ben na partia d’organismo est dét haplôido quand ses cèlules sont lor-mémes haplôides.
Celes dèfinicions regârdont solament los organismos ecariotos (protistos, bétyes, plantes, champegnons), qu’ant de verés cromosomos. Per ègzemplo, betont vêr defôr les bactèries qu’ant gins de noyél et pués possèdont de cromosomos d’un tipo a pârt.
![Thumb image](http://upload.wikimedia.org/wikipedia/commons/thumb/8/8b/Mnium_hornum_2005.04.02_14.55.41.jpg/320px-Mnium_hornum_2005.04.02_14.55.41.jpg)
La reproduccion sèxuâye que demande ’n èchanjo gènètico emmode de mècanismos de rèduccion (mèyosa) et d’ôgmentacion (fècondacion) de la rèpèticion des cromosomos (plôidia). Lo cicllo de via d’un organismo ecarioto comprend vêr forciêment n’altèrnance de stados a nivéls de rèpèticion cromosomica difèrents : prèjont d’altèrnance de fâses (vêre cicllo de via).
Chiéz los homos et la plepârt de les bétyes, la fâsa haplôida (n) est brâvament rèduita. Corrèspond a la formacion des gamètos : spèrmatozôido ou ben ovocito. L’organismo (lo côrp) sè dèvelope en fâsa diplôida (2n) : les cèlules contegnont châcuna los cromosomos en dobla vèrsion.
Chiéz les moces et chiéz quârques algues, la partia vèg·ètativa dèvelopâye de l’organismo corrèspond a la fâsa haplôida (n). La fâsa diplôida (2n) est arriér prod més limitâye (rètrenta u zigoto, et mémo inègzistenta). Chiéz les angiospèrmes, o est possiblo d’avêr de plantes entiéres haplôides (des gamètofitos) per cultura in vitro de microspores - devant ou ben u moment de la premiére mitosa polènica[1].
Lo mâcllo chiéz les avelyes, lo bordon, vint d’un ovulo de rêna vouesif et pués il est asse-ben haplôido.
Un organismo est haplôido quand, dens son cicllo de dèvelopament, la mèyosa siut tot drêt la fècondacion. O est lo câs chiéz Sordaria macrospora (un champegnon), yô que la formacion de la cèlula-ôf grâce a la fècondacion est siuvua d’una mèyosa et d’una mitosa que mènont a la crèacion de spores.