Borjon (botanica)
ensemblo de franc jouenes piéces folyères rassemblâyes sus un axo vègètatif rudament côrt / From Wikipedia, the free encyclopedia
Brot, Jet, Rejon, Jeton, Rejeton
Cél articllo est ècrit en arpetan supradialèctâl / ORB lârge. |
En botanica, un borjon[N 1] [bɔr.ˈdzɔ̃][N 2],[1],[2],[3],[4],[5],[6],[7] ou ben un brot[N 3] [brɔ][N 4],[1],[8],[5],[7] — ou oncor un jet[N 5] [dzət][N 6],[9] en Vâl d’Aoûta et na partia du Valês Centrâl — est un ensemblo de franc jouenes piéces folyères rassemblâyes sus un axo vègètatif rudament côrt. Corrèspond gènèralament a na crèssua qu’aparêt dessus doux-três parties des vègètâls et que balye nèssence a les branches, a les fôlyes, a les fllors et pués ux fruits.
Los borjons sont bien de côps emparâs per d’ècâlyes prod sovent cuvèrtes d’un’èssence pegienta. Dens los payis tempèrâs, sè fôrmont vers la fin de la bèla sêson, tantout a l’assela de les fôlyes, tantout u fin bèc des raméls, pués s’ôvront de forél que vint.
Fôt pas confondre lo borjon avouéc lo boton fllorâl, que prend ples târd et pués contint ren que de fllors.
L’activitât du pouent vègètatif (ou ben mèristèmo) dètèrméne la multiplicacion de les cèlules que, per èlongacion cèlulèra, pèrmètont la crèssua entèrcâlèra. El est de 30 cm per an chiéz los pins et avenge 60 cm per jorn chiéz doux-três bambous.
La gemotèrapia est na pratica a entencion tèrapeutica qu’emplèye notament los borjons.