Lýðveldið Norðurmakedónia

Lýðveldið Norðurmakedónia (makedónskt: Република Северна Македонија (Republika Severna Makedonija) enskt: Republic of North Macedonia), er land í Eysturevropa.

Република Северна Македонија
Lýðveldið Norðurmakedónia

(Flagg Lýðveldið Norðurmakedónia) (Skjaldarmerki Lýðveldið Norðurmakedónia)
Tjóðarslagorð: Слобода или смрт
Tjóðsangur: Denes Nad Makedonija
Alment mál	Makedonskt og Albanskt
Høvuðsstaður	Skopje
Forseti	Gordana Siljanovska-Davkova (Гордана Силјановска-Давкова)
Forsætisráðharri	Talat Xhaferi (Талат Џафери)
Fullveldi	1991
Vídd  - tilsamans  - vøtn (%)	25 713 km² 1,9 %
Íbúgvar  - tilsamans 2012  - tættleiki	2 062 294 80,2/km²
Gjaldoyra	Makedonskt denar (MKD)
Tíðarøki	UTC +1
Økisnavn á alnetinum	.mk
Telefonkota	+389

Søga

Makedónia lýsti seg frælst ríki í 1991, hóast Serbia noktaði at viðurkenna granna sín sum sjálvstøðugt land. Sama gjørdi Grikkaland, ið sigur seg hava hevdsrætt at nýta navnið Makedónia um Norðurgrikkaland - hetta hevði við sær, at tá landið fekk ST limaskap var tað undir enska heitinum "The former Yugoslav Republic of Macedonia". Avleiðingarnar av ósemjuni eru, at bæði Serbia og Grikkaland hava stongt markið til Makedónia.

Búskapur

Lýggja miðjarðarhavsveðurlagið ger, at fruktgrøðin er tíðliga staðin, og bummull, tubbak og rís vaksa eisini væl. Mongu vatnorkuverkini veita klædna-, evnfrøði- og stálídnaðinum ravmagnsorku.

Landafrøði

Í hálendinum í útsynningspartinum í Makedónia eru av vakrastu vøtnum í Evropa. Fyri kríggið, tá ið ferðavinnan blómaði í gamla Jugoslavia, komu mong ferðafólk til Ohridvatn og Prespavatn, ið er heldur minni, at njóta yndisligu náttúruna og síggja gomlu smábýirnar fram við vøtnunum. Nógvur fiskur er í báðum vøtnunum, vanligastu sløgini eru karpa, eyðrriði og álur. Á Prespavatni er stórt fuglameingi, m.a. pelikanur og skarvur.

Jarðfrøði

Høvuðsstaðurin Skopje er bygdur beint har, ið fleiri jarðfrøðiligar umskaringar ganga saman, og tí er vandin fyri jarðskjálvta stórur. Fýra ferðir er býurin illa farin av jarðskjálvta. Seinast var í 1963, tá varð býurin mest sum oyðilagdur i í einum skjálvta, ið varð máldur til 6,8 á Richter-talvuni. Gamli turkiski býarparturin - elstu húsini eru frá 1392 - fekk tíbetur ongan skaða.

Býir

• Skopje (507 000)
• Kumanovo (105 000)
• Bitola (95 000)
• Tetovo (87 000)
• Gostivar (81 000)
• Prilep (77 000)
• Ohrid (56 000)
• Veles (55 000)

Wikimedia Commons logo

Sí miðlasavnið

»Lýðveldið Norðurmakedónia« í Wikimedia Commons.