Fólkatættleiki

Fólkatættleiki er mát fyri, hvussu tætt fólk búgva til dømis í einum landi, í einari oyggj ella í einum býi. Hann er aloftast máldur í íbúgvum á hvørjum km². Vita vit víddina og íbúgvatalið, er lætt at rokna fólkatættleikan í einum øki (fólkatal/vídd í fólk/km²). Talið vit fáa, sigur okkum, hvussu nógv fólk búgva á hvørjum km². Eisini er hetta ein háttur at vísa, hvussu stórt øki, hvørt fólk hevur í miðal at ráða yvir í einum ávísum øki. Hvar fólk búgva er sjálvsagt treytað av ávísum umstøðum, tilfeingi, veðurlagi, natúrligum plantuvøkstri, og eisini hvussu landslagið er. Fólkatættleikin í Føroyum er 34,5 fólk/km² í 2015.

Mesti og minsti fólkatættleiki; fólkatal fyri hvønn km². Fólkatættleiki er alt íbúgvatalið býtt við víddini á landinum.

Í USA verða enn nýttar enskar míl, og 1 ensk fermíl er 2,59 ferkilometrar, svarandi til, at 1 ferkilometur er 0,386 fermíl.
Fólkatalið í Føroyum er sostatt 34,5 fólk/km² × 2,59 km²/mile² = 89,4 fólk/mile².

Wikimedia Commons logo

Sí miðlasavnið

»Fólkatættleiki« í Wikimedia Commons.