Wacken Open Air

Wacken Open Air (W:O:A) er tann størsti metalfestivalurin í Evropa og hevur verið hildin síðan 1990. Festivalurin verður hildin í einari bygd í Týsklandi, sum eitur Wacken í Schleswig-Holstein í Norðurtýsklandi. Í 2007 vóru 60000 vitjandi á festivalinum og tilsamans 72000 luttakandi, íroknað starvsfólk. Áskoðararnir koma úr øllum heiminum.^[1]

Wacken Open Air festivalurin í 2005

Festivalurin er vanliga í august og varir í tríggjar dagar, har festivalgestirnir hava møguleika fyri at seta telt upp á einum stórum teltplássi, sum liggur rundan um festivaløkið. Í tríggjar dagar eru so konsertir við umleið af 60 ymiskum tónleikabólkum, sum framføra á 4 ymiskum tónleikapallum. Í 2008 luttóku 71 orkestur.

Á konsertunum verður eitt nú tónleikur sum power metal, deyðsmetal, svartmetal, fólkametal og gothic metal at hoyra.

Av kendum útlendskum tónleikabólkum, sum hava framført á W:O:A, er Dimmu Borgir, Twisted Sister, Saxon, Warlock, Satyricon (saman við Nocturno Culto frá Darkthrone), Nightwish, Motörhead, Blind Guardian, Helloween og Gamma Ray. Føroyskir tónleikabólkar hava eisini framført á Wacken Open Air, eitt nú Týr og Hamferð. Í Føroyum hevur ein Wacken Battle Føroyar kapping verið hildin síðan 2012.^[2] Vinnarin av kappingini sleppur at framføra á Wacken Open Air og at luttaka í Wacken Metal Battle. Í 2012 vann føroyski bólkurin Hamferð fyrst føroysku kappingina, Wacken Metal Battle Føroyar, og síðan vunnu teir eisini sjálva kappingina í Týsklandi Wacken Metal Battle, sum er ein kapping, ið fer fram meðan W:O:A er. Í 2013 verður tað føroyski bólkurin SIC, ið sleppur at framføra á W:O:A, tí hann vann Wacken Metal Battle Føroyar.

Wacken Open Air 2012

Wacken Open Air 2012 var hildið frá hósdegnum 2. august til leygardagin 4. august.

Rain Shatter Band from Guadalajara, México. In the Bullhead City Circus Stage W:O:A 2012

Bands Confirmed So Far
Agro Amaranthe Amon Amarth Athonite Aura Noir Axel Rudi Pell Broilers Chthonic Circle II Circle Coroner Corpse Garden Cradle of Filth Crimes of Passion D-A-D Danko Jones (tala) Dark Funeral Darkest Hour Dead by April Decapitated Delain Devil's Note† Diablo Swing Orchestra Dimmu Borgir (við orkestri)	Djerv Dødheimsgard (avlýst) D.R.I. Edguy (surprise act) Electric Wizard (avlýst) Eisenherz Endstille Eschenbach Gamma Ray Gehenna Ghost Brigade Graveyard Hamferð†‡ HammerFall (Anniversary Show) Henry Rollins (spoken word) In Extremo In Flames Insomnium Kamelot Kylesa Leningrad Cowboys Machine Head	Manimals Manticora Massacre MindthreaT Ministry Moonspell (akkustiskt show) Napalm Death Nasum Oomph! Opeth Overkill Paradise Lost Rain Shatter†(México) RavenBlood† Red Fang Riotgod Sacred Reich Sanctuary Saor Patrol Saturnian† Saxon Schandmaul	Scorpions Sepultura feat. Les Tambours du Bronx Sick Of It All Six Feet Under Suffocated [3] Suicide Silence Sylosis Testament The Black Dahlia Murder The BossHoss The Falling [4]† (Kina) U.D.O. Unearth Vogelfrey Volbeat Warbringer Warrior Soul Watain WBTBWB Winterfylleth Wölli & Die Band Des Jahres Yaksa[5]
† - Metal Battle 2012 finalistar, †‡ Metal Battle 2012 vinnari

Keldur

1. "W:O:A – Wacken Open Air : W:O:A 2007 – Statement". http://www.wacken.com/de/woa2007/main-news/news/ansicht/article/woa-2007-statement/. Heintað 2013-06-05.
2. Tutl.com
3. "Suffocated". http://wiki.rockinchina.com/w/Suffocated. Heintað 2013-06-05.
4. "The Falling". http://wiki.rockinchina.com/w/The_Falling. Heintað 2013-06-05.
5. "Yaksa". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-07-30. https://web.archive.org/web/20120730192705/http://wiki.rockinchina.com/w/Yaksa. Heintað 2013-06-05.

Wikimedia Commons logo

Sí miðlasavnið

»Wacken Open Air« í Wikimedia Commons.