Vestmanna
From Wikipedia, the free encyclopedia
Vestmanna er ein bygd í Føroyum, sum liggur á vestursíðuni av Streymoynni. Vestmanna er eisini ein kommuna. Alt sambandið millum Vágar, og floghavnina í Vágum, og restina av Føroyum gekk fyrr um Vestmanna. Áðrenn undirsjóvartunnilin til Vágarnar kom, var atløgubryggjan í Vestmanna brúkt til ferðasambandi sjóvegis millum Streymoynna og Vágarnar. Í Vestmanna er fólkaskúli, miðnámsskúli, SEV verk, handlar, matstova, og mangt annað.
Vestmanna | |
Vestmannahavn (danskt) | |
Bygd | |
Vestmanna | |
Land | Føroyar |
---|---|
Sýsla | Streymoyar |
Oyggj | Streymoy |
Kommuna | Vestmanna kommuna |
Íbúgvar | 1.208 (2015)[1] |
Postnummur | FO-350 |
Markatal | 56-00-00 |
|
Í Vestmanna skúla ganga umleið 190 næmingar. Umframt fólkaskúlan er miðnámsskúli í bygdini. Miðnám í Vestmanna, ið fyrr nevndist Fiskivinnuskúlin, byrjaði í 1989. Miðnám í Vestmanna er ein gymnasialur skúli, tvs. at næmingarnir sum ganga har fáa eina miðnámsskúla útbúgving.[2] Í skúlanum ganga umleið 70 næmingar. Harumframt bjóðar skúlin skeið sum ferðaleiðari. Miðnám í Vestmanna flutti inn í nýggjan skúla á bryggjuni inni á Fjørð í mars 2009.