Leedu

Leedu Vabariik (leedu keelen Lietuvos Respublika) om Õuruupa riik, üts Baltimaist. Meilt kaiaq om ta lõunõn.

Lietuvos Respublika

Leedu lipp Leedu vapp
Riigi tunnuslausõq: Vienybė težydi
Riigikiil'	leedu kiil
Pääliin	Vilnius
President'	Gitanas Nausėda
Pääministri	Ingrida Šimonytė
Suurus  - Kokko  - % vett	maailma maiõ hulgan 121 65 300 km²
Rahva hulk  - Kokko  - Tihehüs	maailma maiõ hulgan 138. 2 886 515 (2024) 44/km²
Hindäperi
Raha	Õuro
Aovüü  - suvõaig	Hummogu-Õuruupa aig (UTC+1) Hummogu-Õuruupa suvõaig (UTC+2)
Riigihümn'	Tautiška giesmė
Internetitunnus	.lt
Telefonikuud'	370

Leedu om Õdagumere veeren, kõgõ lõunõpoolitsõmb Baltimaa. Leedust põh'a poolõ jääs Läti, hummogu poolõ Valgõvinne, lõunõ poolõ Poola ja lõunõõdagu poolõ Vinnemaa all olõja Kaliningradi oblast. Üle mere om Leedul õdagupiir Roodsiga.

Leedu pindala om nii 65 300 km², 2024. aastaga alostusõn elli sääl 2 886 515 inemist. Leedu pääliin ja kõgõ suurõmb om Vilnius. Tõõsõq suurõq ja tähtsämbäq liinaq ommaq näütüses Kaunas, Klaipėda ja Šiauliai.

Suurõmb jago elänigest (82,6%) ommaq leedulasõq, kiä ommaq balti rahvas ja kiä kõnõlõsõq leedu kiilt, miä om üts balti keelist. Veidembüsrahvist om rohkõmb poolakõisi (6,3%), vindläisi (5%), valgõvindläisi (2,1%) ja ukrainlaisi (1,7%).^[1] Poolakõsõq ommaq inämbüisi Vilniusõ maakunnan.

2004. aastagast om Leedu Õuruupa Liido ja NATO liigõq. 2015. aastagast võeti pruukmistõ õuro.