Kihnu Virve

Kihnu Virve vai Järsumäe Virve (Virve-Elfriide Köster, tütrigunimi Haavik; sündünüq 30. vahtsõaastakuu pääväl 1928 Pärnon, koolnuq 10. joulukuu pääväl 2022) oll' Eesti lauluimä.

Kihnu Virve

Tä tekk' päält 400 laulu, minkast kõgõ tuntumb om "Merepido". Tuu laulu tekk' kuulsas ansambli Kukerpillid, kinkalõ Virve kümnit laulõ and'.

Järsumäe Virve tõnõ plaat tull' vällä 2007. aastaga. 2008. aastaga märtekuun käve Virve kuun uma perreansambli, Manija Poiskõisi ja Kihnu käsitüümeistri Härma Roosiga Veneetsiän.^[1]

2008 aastaga joulukuun võtt' Virve ossa TV3 saatõst "Võtaq vai jätäq", kon tä võit' õnnõ üte tsendi.^[2]

Duubliplaadi "Mere pido" and' tä vällä 9. radokuu pääväl 2009. aastaga ja juhtõ mõni aig plaadimüügi edetabõlit.

9. piimäkuu pääväl 2009. aastaga tekk' Virve laskõvar'ohüppe.^[3]

2009. aastaga oll' ta Eestin kõgõ inämb plaatõ möönüq Eesti naisartist.^[4]

Kittüseq

• Pärnomaa Vapimärk, 2008
• Valgõtähe tegemiisimärk V klass, 2011

Teosõq

• "Kihnu Virve lauluq", kokkopandja Sirje Roomet, 2006
• Järsumäe Virve ja Olavi Kõrre, "Süä om nuurusõ värdeq", 2007
• 2008 aastaga suvõtuuri Pärno kontsõrdil tett kontsõrtülesvõtõq "Mere pido", 2009
• Järsumäe Virve ja perreansambli "Elo künnel", lauluq jõulu- ja oodusaost, 2011