Política
From Wikipedia, the free encyclopedia
La política (del latín politĭcus y esti del griegu antigu πολιτικός politikós, femeninu de πολιτική politikḗ [‘de, pa o relativu a los ciudadanus’]) es el arti, doctrina u opinión referenti al goviernu los Estaus.[1] Constituyi una rama la moral que s'ocupa la actividá, en virtú la cual una sociedá libri, compuesta por personas libris, resuelvi los problemas que le plantea la su convivencia colectiva. Es un quehacel ordenau al bien común.
Es la cencia que s'encarga del estuyu del puel públicu o del Estau. Siguiendu con esta definición la política es el ejerciciu del puel que busca un fin trascendenti. Promuevi la participación ciudadana al poseel la capacidá de distribuil y ejecutal el puel según sea mestel pa garantizal el bien común en la sociedá.