Antocianina
From Wikipedia, the free encyclopedia
Las antocianinas (del griegu ἀνθός (anthos): ‘frol’ + κυανός (kyáneos): ‘azul’) son pigmentus hidrosolublis que se hallan en las vacuolas e las células vegetalis y qu'otorgan el colol roju, púrpura o azul a las hojas, frolis y frutus.[1] Dendi el puntu de vista químicu, las antocianinas pertenecin al grupu los flavonoidis y son glucósidus e las antocianidinas, es izil, están constituías por una molécula d'antocianidina, qu'es la aglicona, a la que le se une un azúcar por meyu d'un enlaci glucosídicu. Las sus huncionis en las plantas son múltiplis, dendi la de protezión e la radiación ultravioleta hata la d'atrazión d'insectus polinizaoris.[2]
El términu antocianina hue propuestu en 1927 pol farmacéuticu alemán Adolf T. Lewandoski (1804-1881) pa describil el pigmentu azul e la col lombarda (Brassica oleracea). En realidá, las antocianinas no sólu incluyin a los pigmentus azules e las plantas sinu tamién a los rojus y violetas.[3][2]
El interés polos pigmentus antociánicus s'á intensificau recientementi debíu a las sus propiedadis farmacológicas y terapéuticas. Polo tantu, además del su papel huncionan comu colorantis alimenticius, las antocianinas son agentis potencialis en la obtención e productus con valor agregau pal consumu humanu.[2]