Summer McIntosh

Summer Ann McIntosh (Toronto, Kanada, 2006ko abuztuaren 18a) igeriketan aritzen den kirolari kanadarra da. 2024ko Udako Olinpiar Jokoetan bi domina eskuratu zituen^[1].

Summer McIntosh
Bizitza
Jaiotza	Toronto, 2006ko abuztuaren 18a (18 urte)
Herrialdea	Kanada
Familia
Ama	Jill Horstead
Haurrideak	ikusi Brooke McIntosh
Jarduerak
Jarduerak	igerilaria eta kirol pertsona ospetsua
Parte-hartzailea swimming at the 2020 Summer Olympics – women's 200 metre freestyle (en) (9.) swimming at the 2020 Summer Olympics – women's 400 metre freestyle (en) (4.) swimming at the 2020 Summer Olympics – women's 800 metre freestyle (en) (11.) swimming at the 2020 Summer Olympics – women's 4 × 200 metre freestyle relay (en) (4.)
Altuera	1,73 metro
summermcintosh.com

14 urte zituela Tokio 2020ko Olinpiar Jokoetan hartu zuen parte, inoizko kanadar gazteena izanik, eta domina lortzear egon zen. 15 urterekin Munduko txapelketan eta Commonwealth Jokoetan domina ugari irabazi zituen.

Biografia

Ama ere igerilari olinpikoa du, Jill Horstead. 14 urte zituela 2020ko Udako Olinpiar Jokoetan hartu zuen parte, inoizko kanadar gazteena izanik, eta 400 m estilo librean laugarren egin zuen^[2]. 4 x 200 m errelebotako taldean ere laugarren egin zuen Kanadako taldean, eta Kanadako errekorra ezarri zuten^[3]. Urte berean Abu Dhabin jokaturiko munduko txapelketan urrezko domina bat eta zilarrezko bi lortu zituen.

2022an Budapesten jokaturiko munduko txapelketatan urrezko bi domina lortu zituen, kanadar igerilari batek inoiz lortu gabekoa^[4]. Beste bi domina ere eskuratu zituen, zilarrezkoa eta brontzezkoa. Urte berean Commonwealth Jokoetan sei domina eskuratu zituen, bi urrezko, hiru zilarrezko eta brontzezko bat^[5].

2023an Fukuokan izan ziren Munduko txapelketak eta urrezko bi domina eta brontzezko bi eskuratu zituen.

Paris 2024ko Olinpiar Jokoetan lehenengo finala 400 m estilo librekoa izan zuen eta bigarren egin zuen^[6]. Ondoren 400 m medley proban txapelduna izan zen^[1]. Hurengo egunetan beste bi urrezko domina eskuratu zituen, 200 metro tximeletan, errekor olinpikoa ezarriz^[7], eta 200 metro medley probatan^[8]. Beste hiro lehiaketatan laugarren egin zuen, 4x100 m estilo librean, 4x200 m estilo librean eta 4x100 medley.

Abenduan igerileku laburreko Munduko txapelketak jokatu ziren Budapesten eta Summer McIntoshek bost domina eskuratu zituen, urrezko hiru, zilarrezko bat eta brontzeko bat. 400 metro estilo libreko munduko errekorra bi aldiz hautsi zuen txaelketa honetan^[9] eta 400 m medley probakoa ere bei, aurreko errekorra hiru segundutan hobetuz.^[10] Denboraldi onaren erakusgarri hainbat sari jaso zituen, Northern Star Award eta World Aquatics urteko atleta onenarentzat eta Time aldizkariak "100 Next" zerrendan sartu zuen. Forbes aldizkariak 30 urtez azpiko 30 pertsonen zerrendan ("30 Under 30") sartu zuen ere berean.^[11]

Palmaresa

Udako Olinpiar Jokoak
Urtea	Lekua	Domina	Proba
2024	Paris‎  Frantzia	01 !	200 m tximeleta
2024	Paris‎  Frantzia	01 !	200 m medley
2024	Paris‎  Frantzia	01 !	400 m medley
2024	Paris‎  Frantzia	02 !	400 m estilo librea
Munduko Txapelketak (igerileku luzea)
Urtea	Lekua	Domina	Proba
2022	Budapest  Hungaria	01 !	200 m tximeleta
2022	Budapest  Hungaria	01 !	400 m medley
2022	Budapest  Hungaria	02 !	400 m estilo librea
2022	Budapest  Hungaria	03 !	4x200 m estilo librea
2023	Fukuoka  Japonia	01 !	200 m tximeleta
2023	Fukuoka  Japonia	01 !	400 m medley
2023	Fukuoka  Japonia	02 !	200 m estilo librea
2023	Fukuoka  Japonia	03 !	4x100 m estilo librea
Munduko Txapelketak (igerileku laburra)
Urtea	Lekua	Domina	Proba
2022	Abu Dhabi  Arabiar Emirerri Batuak	01 !	4x200 m estilo librea
2023	Abu Dhabi  Arabiar Emirerri Batuak	02 !	400 m estilo librea
2023	Abu Dhabi  Arabiar Emirerri Batuak	02 !	4x100 m estilo librea
2024	Budapest  Hungaria	01 !	200 m tximeleta
2024	Budapest  Hungaria	01 !	400 m estilo librea
2024	Budapest  Hungaria	01 !	400 m medley
2024	Budapest  Hungaria	02 !	200 m bizkarra
2024	Budapest  Hungaria	03 !	4x400 m estio librea
Commonwealth Jokoak
Urtea	Lekua	Domina	Proba
2022	Birmingham  Erresuma Batua	01 !	200 m medley
2022	Birmingham  Erresuma Batua	01 !	400 m medley
2022	Birmingham  Erresuma Batua	02 !	400 m estilo librea
2022	Birmingham  Erresuma Batua	02 !	4x100 m estilo librea
2022	Birmingham  Erresuma Batua	02 !	4x200 m estilo librea
2022	Birmingham  Erresuma Batua	03 !	4x100 m estilo librea

Erreferentziak

1. (Ingelesez) «Canada's Summer McIntosh wins gold in swimming» CTVNews 2024-07-29 (Noiz kontsultatua: 2024-08-01).
2. (Ingelesez) «Summer McIntosh finishes fourth in 400m freestyle, sets Canadian record again» www.sportsnet.ca (Noiz kontsultatua: 2024-08-01).
3. «Women finish fourth and set Canadian record in 4×200-metre freestyle relay – Swimming Canada» www.swimming.ca (Noiz kontsultatua: 2024-08-01).
4. «Summer McIntosh wins record second gold, fourth medal as Canada completes best-ever performance – Swimming Canada» www.swimming.ca (Noiz kontsultatua: 2024-08-01).
5. «Summer McIntosh triumphs again to highlight four-medal day for Canada – Swimming Canada» www.swimming.ca (Noiz kontsultatua: 2024-08-01).
6. (Ingelesez) Pender, Kieran. (2024-07-27). «Ariarne Titmus sees off McIntosh and Ledecky on golden night in the pool for Australia» The Guardian ISSN 0261-3077. (Noiz kontsultatua: 2024-08-01).
7. (Ingelesez) «Summer McIntosh wins 200-metre butterfly gold, sets Olympic record» The Globe and Mail 2024-08-01 (Noiz kontsultatua: 2024-08-18).
8. (Ingelesez) «Summer McIntosh wins gold in women’s 200-metre individual medley, her fourth medal of the Paris Games» The Globe and Mail 2024-08-03 (Noiz kontsultatua: 2024-08-18).
9. (Ingelesez) Kaufman, Sophie. (2024-12-10). «Summer McIntosh Breaks 400 Freestyle World Record By Over a Second To Open 2024 SC Worlds» SwimSwam (Noiz kontsultatua: 2024-12-26).
10. (Ingelesez) Pelshaw, Anya. (2024-12-14). «Summer McIntosh Destroys 400 IM World Record By Over 3 Seconds With 4:15.48» SwimSwam (Noiz kontsultatua: 2024-12-26).
11. (Ingelesez) «Summer McIntosh» Forbes (Noiz kontsultatua: 2024-12-26).

Kanpo estekak

• Datuak: Q107323240
• Multimedia: Summer McIntosh / Q107323240