Richmond upon Thames

Richmond upon Thames (ingelesez: London Borough of Richmond upon Thames) Londresko udalerrietako (borough) bat da, mendebaldean kokaturik dagoena. 2015eko erroldaren arabera 194.700 zituen 57,41 kilometro koadroko azaleran.

Richmond upon Thames
Londresen banaketa administratiboa
Administrazioa
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Alkatea	Gareth Roberts (en)
Posta kodea	TW, SW eta KT
Herriburua	Twickenham
Geografia
Koordenatuak	51°26′52″N 0°19′27″W
Azalera	57,407 km²
Demografia
Biztanleria	196.904 (2018) 0 (2018)
Dentsitatea	3.430 bizt/km²
Informazio gehigarria
Sorrera	1965eko apirilaren 1a
Ordu eremua	UTC±00:00 eta UTC+01:00
Hiri senidetuak	Konstantza, Fontainebleau eta Richmond
richmond.gov.uk

Historia

Henrike VII.ak Richmond jauregia eraiki zuen XVI mendean eta hortik datorkio izena. XVIII mendean aberatsentzako lurralde erakargarria bihurtu zen eta hainbat jauregi eraiki zituzten. Garai hartakoa da Keweko Errege Lorategi Botanikoa, UNESCOk Gizateriaren Ondare izendatua daukana. Twickenham aldea aisialdirako erabili zen. 1846an trenbidea iritsi zen eta berehala Londresen zabaldunke azkarrak harrapatu zuen.

1965 urtean eratu zen gaur egungo udalerria, Middlesex konderriko Twickenham udalerriak eta Surrey konderriko Richmond eta Barnes udalerriek bat egin zutenean. Richmond upon Thames (Tamesis gaineko Richmond) izena orduan eman zitzaion, baina Richmond bezala ezagutzen da.

Auzoak

Barrutia honako auzoek osatzen dute:

Barnes East Sheen Ham Hampton Hampton Hill

Hampton Wick Kew Mortlake Petersham Richmond

St. Margarets Strawberry Hill Teddington Twickenham Whitton

Kirolak

Udalerrian hainbat kirol egiten diren arren bi dira ezagunenak:

• Errugbia: Twickenham Stadiumean jokatzen du Ingalaterrako errugbi selekzioak. Munduko hiru txapelketa jokatu dira bertan, 1991, 1999 eta 2015ean. Barnean Munduko Errugbiaren Museoa du.
• Arraunketa: Tamesis ibaiak bertan egiten duen ibilbidean jokatzen da Oxford-Cambridge estropada ezaguna.

Ondasun nabarmenak

• 
  Keweko Errege Lorategi Botanikoa (Gizateriaren Ondarea).
• 
  Hampton Court jauregia.
• 
  Kew jauregia.
• 
  Strawberry Hill House.
• 
  Ham House.
• 
  White Lodge.
• 
  Twickenham Stadium.
• 
  Oxford-Cambridge estropada.
• 
  Tamesis ibaia.
• 
  Richmond parkea.

Hiri senidetuak

•  Fontainebleau (Frantzia)
•  Konstantza (Alemania) (Alemania)
•  Richmond (AEB)

Kanpo estekak

• (Ingelesez) Richmond upon Thames barrutiko kontseiluaren webgunea.

• Datuak: Q32515
• Multimedia: London Borough of Richmond upon Thames / Q32515