Raymond Léopold Bruckberger

Raymond Léopold Bruckberger (Murat, 1907ko apirilaren 10a - Friburgo, 1998ko urtarrilaren 4a) frantses domingotarra izan zen. Hogei urte zituela, Frantziako herritartasuna hartu zuen, eta 1929an domingotarren ordenan sartu zen. Okupazioaren garaian, katoliko guztiek nazismoari aurre ez egina deitoratu zuen. Baina, gero, heriotza-zigorraren ongintza sakratua defendatu zuen. Azken-aurreko liburua Oui à la peine de mort (1986, Bai heriotza-zigorrari) izan zuen. Le cheval de Troie aldizkariko sortzaileetako bat izan zen (1947-1948), Frantziako Elizaren jesuitismoaren kontra egiteko. Atzerriko Legioko kapilau izan zen. Ondoren, Afrika iparraldera joan zen. Gero, zortzi urte egin zituen Estatu Batuetan eta lau Grezian. Azkenik, Suitzako herrixka batera erretiratu zen. 1960an Le Dialogue des carmélites (Karmeldarren elkarrizketa) filma egin zuen, eta 1967an Tu moissonneras la tempête (Ekaitza jasoko duzu), Frantziako askatasunari buruzkoa. Bestalde, artikuluak idatzi zituen Life, New York Times, L´Aurore, Figaro-Magazine aldizkarietan. Lettre ouverte à Jésus-Christ (1973, Eskutitz irekia Jesu Kristori), Lettre à Jean-Paul II, pape de l´an 2000 (1979, Eskutitza Joan Paulo II.ari) eta memoria liburu bat, À l´heure où les ombres s´allongent (1989, Itzalak luzatzen direnean) idatzi zituen, besteak beste. Burckberger aitak ohituren dekadentzia salatu zuen, eta bere burua katoliko ez-praktikatzailetzat zuen. 1981ean Ce que je crois (Nik sinesten dudana) idatzi zuen. 1985ean Académie des sciences morales et politiquesen sartu zen.

Raymond Léopold Bruckberger
Irudi gehiago
Bizitza
Jaiotza	Murat, 1907ko apirilaren 10a
Herrialdea	Frantzia
Lehen hizkuntza	frantsesa
Heriotza	Friburgo, 1998ko urtarrilaren 4a (90 urte)
Hezkuntza
Hizkuntzak	frantsesa
Jarduerak
Jarduerak	hizkuntzalaria, film-zuzendaria, itzultzailea, gidoilaria, Frantziako Erresistentziako kidea eta idazlea
Lantokia(k)	Frantzia
Jasotako sariak	ikusi Médaille de la Résistance Georges-Dupau award  (1980) Croix de guerre 1939–1945
Kidetza	Académie des sciences morales et politiques
Sinesmenak eta ideologia
Erlijioa	katolizismoa
Erlijio-ordena	domingotar

Erreferentziak

Wikimedia Commonsen badira fitxategi gehiago, gai hau dutenak: Raymond Léopold Bruckberger

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q731141
• Multimedia: Raymond-Léopold Bruckberger / Q731141