Quisqueya Henríquez
From Wikipedia, the free encyclopedia
Quisqueya Henríquez (Habana, 1966 – Santo Domingo, 2024ko martxoaren 30a) kubatar-dominikar artista eta irakaslea izan zen[1]. Collagea, instalazioa, bideoa eta soinu-artea bezalako teknikak landu zituen[2][3][4].
| Quisqueya Henríquez | |
|---|---|
| Bizitza | |
| Jaiotza | Habana, 1966 |
| Herrialdea | Dominikar Errepublika Kuba |
| Bizilekua | Habana Santo Domingo |
| Heriotza | 2024ko martxoaren 30a (57/58 urte) |
| Hezkuntza | |
| Heziketa | Instituto Superior de Arte (en) Santo Domingoko Unibertsitate Autonomoa |
| Jarduerak | |
| Jarduerak | artista, bideoartista eta installation artist (en) |
Bizitza
Francisco Alberto Henríquez Vásquez dominikar historialariaren eta Angélica Cruz kubatarraren alaba[1], Habanan jaio zen 1966an. Umea zenetik, Santo Domingon bizi izan zen[2].
1987tik 1992ra Santo Domingoko Unibertsitate Autonomoan eta Habanako Artearen Goi Institutuan ikasi zuen[5].
Dominikar Errepublikako eta Kubako artea eta kulturan hartzen zuen inspirazioa, eta mundu mailako artearekiko loturei buruz hausnartzen zuen[4]. Henríquezen ekintza artistikorik garrantzitsuenetakoa Helado de agua de mar Caribe da, non itsasoko urez, gurin-esnez, ronez, koko-olioz, margo urdinez eta estabilizadorez egindako izozkia urtu zuen[5].
Bere lanak museo eta bilduma publikoetan aurki daitezke, besteak beste, El Museo del Barrion (New York), Arte Garaikidearen Museoan eta Pérez Art Museum Miamin (Miami), Rhode Islandeko Diseinu Eskolako Museoan (Providence) eta Ninart Kultur Zentroan (Mexiko Hiria)[6][7].
Pedro Catrain senatari dominikarrarekin ezkondu zen[1].
Santo Domingon hil zen 2024ko martxoaren 30ean, 58 urte zituela, urdaileko minbiziak jota. Blandino hilerrian lurperatu zuten[1].
Erreferentziak
Kanpo estekak
Wikiwand - on
Seamless Wikipedia browsing. On steroids.