Prokuradore

Prokuradorea zuzenbideko profesionala da, auzilariaren izenean eta haren legezko ordezkari gisa diharduena.^[1] Bere estatutu-esparruaren barruan, justizia-sistema publikoarekin kolaboratzen du, auzitegien eta auzi judizialetan sartuta dauden herritarren arteko lotura juridiko-formala eginez, eta komunikazio prozesaleko egintzen izapideak teknikoki laburtuz: errekerimenduak, jakinarazpenak, epatzeak eta zitazioak. Azken hori dela eta, auzibide zibil eta penalei buruzko legeek prokuradorea kontratatzeko betebeharra ezartzen dute, auzi judizial konplexuenetan parte ahal izateko.