Percy Adlon
From Wikipedia, the free encyclopedia
Percy Adlon (Munich, 1935eko ekainaren 1a – Pacific Palisades, 2024ko martxoaren 10a) alemaniar zinema-zuzendari, gidoigile eta ekoizlea izan zen.
| Percy Adlon | |
|---|---|
| Bizitza | |
| Jaiotzako izen-deiturak | Paul Rudolf Parsifal Adlon |
| Jaiotza | Munich, 1935eko ekainaren 1a |
| Herrialdea |  Alemania |
| Bizilekua | Q21039775  Munich Pacific Palisades |
| Heriotza | Los Angeles, 2024ko martxoaren 10a (88 urte) |
| Hobiratze lekua | Alter Domfriedhof der St.-Hedwigs-Gemeinde (en) |
| Familia | |
| Aita | Rudolf Laubenthal |
| Ama | Susanne Adlon-Meyerhöfer |
| Ezkontidea(k) | Eleonore Adlon (en) (1960 - 2024ko martxoaren 10a) |
| Seme-alabak | ikusi
|
| Haurrideak | ikusi
|
| Hezkuntza | |
| Heziketa | Municheko Unibertsitatea |
| Hizkuntzak | alemana ingelesa |
| Jarduerak | |
| Jarduerak | film-zuzendaria, gidoilaria, zinema ekoizlea, telebista-ekoizlea eta dokumentalista |
| Jasotako sariak | ikusi
|
| percyadlon.com | |
       | |
Filologia alemana, artea eta antzerkia ikasi zituen. Irratian hasi zen lanean, kultura eta literaturari buruzko programak eginez. 1970. urtean dokumentalista gisa sartu zen telebistan eta arte-gaietan espezializatu zen. Gero bere produkzio-etxea sortu zuen (Pelemele Film) eta fikziozko zinema egiten hasi zen. Bere lehen film luzeak (Celeste, 1981) Marcel Proustek sortutako munduari buruzko oso ikuspegi berezia ematen du, objektuen, espazio hutsen, sentimenduen, isiltasunen eta bakardadeen bidez eratuz narrazioa. Sugarbabyn (1984) oso istorio sinplea eratu zuen bere musa Marianne Sägebrechetentzat: emakume lodi bakarti bat da, metroko bidaietan xarmatu duen ahotsaren bila ateratzen dena. Gero Estatu Batuetara jo zuen eta bertan Out of Rosenheim edo Bagdad Café (1987) idatzi, zuzendu eta ekoiztu zuen: bizimodua, harremanak ulertzeko bi modu kontrajartzen ditu filmak, giro magiko baten kaosa, eta berriro ere, bakardadea inguru galdu batean. Erabili eta bota egiten duen munduaren aurkako satira egin zuen hurrena Rosalie erosketetara doa (1988) filmean, Estatu Batuetan bizi den emakume alemaniar baten istorio kontatuz. 1990eko hamarkadaren hasieran eremu are bakartiagoa bilatu zuen, eta Alaskara joan zen Salmonberries (1991) filmatzera; beren bakardadea betetzeko beharra duten bi emakumeen elkartzea da, besteen antzera, film honetan ere gaia.
- Mahler auf der Couch (2010)
- Orbela's People (2007)
- Koenigs Kugel (2001)
- Hawaiian Gardens (2001)
- Eat Your Heart Out (2000, ekoizlea)
- Die Straußkiste (1999)
- In der glanzvollen Welt des Hotel Adlon (1996)
- Younger and Younger (1993)
- Salmonberries (1991)
- Red Hot and Blue (1990)
- Rosalie Goes Shopping (1989)
- Babycakes (1989)
- Out of Rosenheim (1987)
- Herschel und die Musik der Sterne (1986)
- Zuckerbaby (1985)
- Die Schaukel (1983)
- Fünf letzte Tage (1982)
- Céleste (1981)
- Herr Kischott (1980)
- Der Vormund und sein Dichter (1978)
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q61128
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
