From Wikipedia, the free encyclopedia
Onkologia minbiziaz arduratzen den espezialitate medikoa da.
Bi adar nagusitan banatzen da: Alde batetik onkologia medikoa, kimioterapia erabiltzen duena tratamenduetan, eta bestetik onkologia erradioterapikoa, izenak iradoki moduan erradioterapiaren bidez tratatzen duena.
Biopsia dute onkologoek proba osagarri nagusi diagnostikoa lortzeko, anatomia patologikoaren espezialistek emandakoa.
Sarreran esan bezala, onkologoen bi arma terapeutiko nagusi kimioterapia eta erradioterapia dira.
Hauetaz gain, beste mota batzuetako tratamenduak ohikoak dira aurrekoek sortutako albo-eraginak leuntzeko, bai eta arlo psikologikoa lantzea ere.
Azkenik, kasu aurreratuei zainketa paliatiboak ematen dizkiete, sendabiderik ez dagoenean beti ere mina, arnasestu edo bestelako sintomak tratatzeko.
Osakidetzan, onkologia zerbitzuak daude Gurutzetako Ospitalean (Barakaldo), Donostiakoan eta Txagorritxun (Gasteiz).
Bestela, arlo pribatuan ezagunak dira Nafarroako Klinika Unibertsitarioaren zerbitzua (Iruñea) eta Donostiako Institutu Onkologikoa.