bartzelonar ikertzailea, ekintzaile teknologikoa eta irakaslea From Wikipedia, the free encyclopedia
Nuria Espallargas Álvarez (Esplugas de Llobregat, Bartzelona, 1979ko apirilaren 3a) bartzelonar ikertzailea, ekintzaile teknologikoa eta irakaslea da, Norvegiako zientzia eta teknologia unibertsitatean katedraduna (NTNU) eta teknologia-zuzendaria (CTO) Seram Coatings enpresan. Bere ikerketa-eremu nagusiak kimika, teknologia, azalera eta tribologia dira.
| Nuria Espallargas | |
|---|---|
 | |
| Bizitza | |
| Jaiotza | Esplugues de Llobregat, 1979ko apirilaren 3a (45 urte) |
| Herrialdea |  Katalunia |
| Hezkuntza | |
| Heziketa | Bartzelonako Unibertsitatea |
| Hezkuntza-maila | Doktoretza |
| Hizkuntzak | gaztelania katalana |
| Jarduerak | |
| Jarduerak | surface science (en)  eta katedraduna |
| Enplegatzailea(k) | Norwegian University of Science and Technology (en) |
| Jasotako sariak | ikusi
|
.jpg)
Txikitatik oso bitxia izan zen beti, eta joera handia zuen gauza praktikoetarako. Zientzietako irakasgaiak zituen gustukoen. Baina biologian ez da inoiz ondo moldatu. Beraz, kimika eta teknologia aukeratu zituen.[1]
1997. urtean hasi zuen kimika-karrera, eta karrera horren barruan materialen zientzian espezializatu zen, espezialitate teknologikoena baitzen. Kimikako masterra egin zuen eta materialen zientzietako eta metalurgiako doktoretza hastea erabaki zuen; izan ere, enpresa batean udako praktikak egin ondoren, karrera bukatzean konturatu zen ez zuela industrian aritu nahi, harago joan behar zuen eta. Doktoretza egiten ari zela, silizio karburoan (SIC) oinarritutako material batez arduratu zen, baina bere tesiarekin jarraitu zuen.[1][2]
Doktoretza Espainiatik kanpo egiteko aukera planteatu arren, bere unibertsitate-hezkuntza guztia Bartzelonako Unibertsitatean egin zuen. Doktore-tesia amaitzean, beste herrialde batean doktoratu ondoko plaza bat bilatzea erabaki zuen.[1]
2009an, Zientzia eta Teknologia Unibertsitateko irakasle titularra izan zen Norvegian (NTNU), Mekanika eta Industria Ingeniaritza sailean.[3] Urte horretan bertan, tesi-proiektu bat zuzentzeko finantziazioa lortu zuen, eta aukera horretaz baliatu zen IKS lantzeko. Doktoratu aurreko ikasle bat kontratatu ahal izan zuen, silizio karburoan oinarritutako materialarekin ohituta zegoena (SIC). Horrelaxe sortu zen, munduko material sintetiko gogorrenetako bat.[4] 2011tik aurrera, Gemini Tribologia Zentroaren buru izan zen unibertsitatean.[3] 2012an, katedradun-plaza lortu zuen, eta unibertsitate horretako emakume katedradun gazteena bihurtu zen.[1]
Nuria Espallargasen irrtziz,
"Emakumeak nahi dutena egitera animatzeko unea haurtzaindegian hasten da. Hortxe hasten dira genero-desberdintasunak markatzen, eta hortxe hasten dira haurrak jarraitu beharreko ereduak eta rolak izaten".[1]
ThermaSic materiala asmatzeak aukera eman zuen Seram Coatings enpresa sortzeko, eta Espallargas izan zen asmatzailekidea, fundatzailekidea eta teknologia-zuzendaria (CTO).[5][6][7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
