Night of the Living Dead

Night of the Living Dead (euskaraz Bizidun Hildakoen Gaua) 1968ko George A. Romero estatubatuar zinema zuzendariaren beldurrezko filma da. Bertan, Duane Jones, Judith O'Dea, Karl Hardman, Marilyn Eastman, Keith Wayne, Judith Ridley, Bill Cardille eta Kyra Schon aktoreek antzeztu zuten.

Night of the Living Dead
Irudia   Bideoa  Irudi gehiago
Jatorria
Argitaratze-data	1968
Izenburua	Night of the Living Dead
Mugimendua	New Hollywooda
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	beldurrezko zinema, zientzia-fikziozko filma, zonbi filma eta splatter film (en)
Iraupena	96 minutu
Kolorea	zuri-beltzekoa
Telesaila	Night of the Living Dead (en)
Egile-eskubideak	jabetza publiko
Deskribapena
Honen parte da	National Film Registry (en)
Grabazio lekua(k)	Pittsburgh
Zuzendaritza eta gidoia
Zuzendaria(k)	George A. Romero
Gidoigilea(k)	John A. Russo George A. Romero
Antzezlea(k)
Duane Jones Judith O'Dea Karl Hardman Marilyn Eastman Keith Wayne Judith Ridley Kyra Schon Charles Craig Bill Hinzman Russell Streiner Bill Cardille (en) George A. Romero Debbie Rochon (en) John A. Russo [[Kategoria:Bill Cardille (en) antzeztutako filmak]] [[Kategoria:Debbie Rochon (en) antzeztutako filmak]]
Ekoizpena
Ekoizlea	Karl Hardman Russell Streiner
Konpainia ekoizlea	Image Ten (en) [[Kategoria:Image Ten (en) ekoitzitako filmak]]
Edizioa	John A. Russo
Bestelako lanak
Musikagilea	William Loose (en)
Argazki-zuzendaria	George A. Romero
Fikzioa
Kontakizunaren tokia	Pennsylvania
Bideoa	YouTube, YouTube, YouTube eta YouTube
kronologia
Night of the Living Dead →Dawn of the Dead

Gaur egungo zonbi film genereko aintzindaritzat eta kultuzkotzat jotzen da. Ez zen zonbiei buruzko lehenbiziko estatubatuar filma izan; aitzitik, egungo zonbien errol edo arketipoa sortu eta garatu zuena. Hain zuzen ere, lehendik Bela Lugosi aktoreak antzeztutako White Zombie (1932) eta I Walked with a Zombie (1943) filmak ere gai horri buruzkoak izan ziren, baina betiere Haitiko folklorearen araberako ikuspegiaren arabera, hots, vuduaren bidez berpiztu eta gizakien nahiera morroi gisa erabilitako izakiak, film horiek nagusiki Karibeko herrialdeetan eta arraza beltzeko jendearen artean girotuta zeuden. Aldiz, George A. Romerok ordu arte zonbiei buruzko ideia bermoldatu eta menpeko izakiak izatetik haragi gose neurrigabeko izakiak izatera igaro ziren. Bitxikeria gisa, film osoan ez da inoiz zonbi hitzik aipatzen.

Filmak jarraipen ugari izan ditu, Dawn of the Dead (1978), Day of the dead (1985), Land of the dead (2005) eta Survival of the Dea (2009), bai eta zuzendari berak zuzendu eta lehenbiziko film horrek kontatutako istorioaren aurretik girotuko Diary of the Dead (2008) ere. Bestalde, berregokitzapen horiek ere izan ditu: Night of the Living Dead (1990) eta Night of the Living Dead 3D (2006).

Argumentua

Oharra: Atal honek istorio osoa edo amaiera argitzen du.

Barbra (Judith O'Dea) eta Johnny (Russell Streiner) anai-arrebak euren aitaren hilobia bisitatzeko asmoz, Pennsylvaniako landa eremuko hilerri batera autoz joan dira. Hilerrira bertaratzean eta Barbra deseroso dagoela ikusirik, Johnnyk txantxetan arreba beldurtzen saiatu da. Bat-batean, itxura txarreko gizon bat agertu eta haiei eraso egiten hasi zaie. Johnny erori, buruaz hilarri bat jo eta hil egin da baina Barbrak autoan ihes egitea lortu eta etxe abandonatu batean babes hartu du. Bertan, Ben (Duane Jones) topatu du. Kanpoan dabilen zonbi andana gelditzeko, barrikadak eraiki dituzte. Nolanahi ere, ez daude bakarrik etxean, Cooper familiak (Karl Hardman, Marilyn Eastman eta Judith O'Dea) eta Tom (Keith Wayne) eta Judy (Judith Ridley) bikote gazteak ere bertan babes hartu dutelako. Gizaki taldeak hildakoak misteriotsuki berpizten hasi eta haragi gosez daudela jabetu dira; horrela, bada, egoera latz hartatik bizirik nola edo hala ateratzen saiatu dira.

Aktoreak

• Duane Jones: Ben.
• Judith O'Dea: Barbra.
• Karl Hardman: Harry Cooper.
• Marilyn Eastman: Helen Cooper.
• Keith Wayne: Tom.
• Judith Ridley: Judy.
• Kyra Schon: Karen Cooper.
• Bill Hinzman: hilerriko zonbia.
• Russell Streiner: Johnny.
• George Kosana: McClelland sheriffa.

Iruditegia

• 
  zonbiak.
• 
  Ben (Duane Jones).
• 
  Harry Cooper (Karl Hardman) eta Karen Cooper (Kyra Schon).
• 
  Ben (Karl Hardman) eta Barbra (Judith O'Dea).
• 
  Cooper familia (Karl Hardman, Marilyn Eastman eta Judith O'Dea).
• 
  Tom (Keith Wayne).
• 
  Judy (Judith Ridley).
• 
  Johnny (Russell Streiner).

Kanpo estekak

• Night of the Living Dead filmaren IMDBko fitxa irakurgai (Ingelesez)

• Datuak: Q623051
• Multimedia: Night of the Living Dead / Q623051