Nahel Merzouken erailketa

Nahel Merzouken erailketa (batzuetan, oker idatzita, Naël) Frantziako kasu judizial baten izena da. 17 urteko Nahel Merzouk^[1] poliziaren esku hil ondoren abiatu zen, 2023ko ekainaren 27an Nanterren, Île-de-France eskualdeko Senako Gainak departamenduan, kontrol batetik ihes egin eta gero^[2].

Nahel Merzouken erailketa
Mota	giza hilketa Poliziaren gehiegikeria
Data	2023ko ekainaren 27a
Kokaleku	place Nelson-Mandela
Herrialdea	Frantzia
Honen ondorioa	Nahel Merzouk hil ondorengo istiluak White March for Nahel (en)
Biktima	Nahel Merzouk (en)
Pertsona hilak	1
Pertsona zaurituak	0
Erantzule	Florian M. (en) (polizia)
Arma	pistola

Hasieran, poliziak defentsa propioa alegatu zuen^[3]. Adierazpen hori baztertu egin zen sare sozialetan argitaratutako bideo baten ondorioz. Bideo horretan, poliziak geldirik zeuden, eta gazteak gidatzen zuen autoaren alde batean zeuden. Horietako batek, autoa berriz abian jarri zenean, leihatilaren barruan tiro egin zuen. Gertakariak nahasmena eragin zuen eta poliziaren indarkeriari buruzko eztabaida piztu zuen, eta istiluak izan ziren herrialde osoan hurrengo egunetan. Tiro hilgarria egin zuen poliziari hilketa leporatu zioten eta 2023ko ekainaren 29an kartzelaratu zuten.