Murgia

Murgia^[1] Arabako iparraldeko herri bat da, Zuiako kuadrillakoa. Zuiako udalerriko herririk handiena da, eta Murgian daude kokaturik udaletxea eta zerbitzu gehienak.

Beste esanahi batzuen berri izateko, ikus: «Murgia (argipena)»

Murgia
Euskal Herria
Murgiko erdigunea
Kokapena
Herrialdea	Araba
Udalerria	Zuia
Geografia
Koordenatuak	42°57′25″N 2°49′15″W

Murgia hiribildua izan zen. Historikoki, biztanleak bidearen alde bietan kokatuak izan dira Murgian. Gaur egun, ordea, bidea Domingo Sautu kalea da, eta herria asko hedatu da aldeetara. Goba ibaiak Gurutzeko auzoa (El Barrio) eta herrigunea bera bereizten ditu.

Izena

Euskarak inguru horretan izandako eragin sakonaren erakusgarri, gaztelaniaz ere herriaren izenak hiru silaba ditu eta i letra da azentu nagusia daramana.

Murgia izenaren bukaerako -a hori artikulua da.^[1] Beraz, Bizkaia izenaren antzera deklinatzekoa dugu: Murgia, Murgian, Murgiaren... baina Murgiko, Murgitik, Murgira...

Mugakideak

Iparraldean Sarria, ipar-ekialdean Zarate, hego-ekialdean Jugo, hego-mendebaldean Bitoriano eta mendebaldean Ametzaga mugakide ditu, denak Zuiako auzoak ere badirenak.

Demografia

Gasteiztik hurbil eta ondo komunikatuta egonik, XX. mendearen amaieran eta XXI. mendearen hasieran populazio hazkunde nabarmena izan zuen Murgiak.

Murgiko biztanleria

Ondasun nabarmenak

Murgiak XIX. mendeko bukaeratik aurrera eraikitako etxe dotoreak biltzen ditu, herriaren prestigio historikoaren lekukoak direnak,

Erlijio-ondareari dagokionez, nabarmenak dira Karitateko Ahizpen komentua, Aita Pauldarrena eta Karmeldar Oinutsena.

Azkenik, aipatzekoa da Murgiko eztiaren museoa.

Garraioa

Araba Bus sareko  eta  lineek zerbitzua ematen diote herri honi:

Araba Bus  Zerbitzua   Hasiera   Ibilbidea   Amaiera ⁠ 14 Gasteiz (geltokia) Zaitegi • Murgia • Sarria • Murgia (Paularrak) • Ametzaga • Beluntza (Soleta) Izarra⁠ 15 Gasteiz (unibertsitatea) Gasteiz (epaitegiak) • Gasteiz (Bastiturri) • Gasteiz (geltokia) • Zaitegi • Murgia • Sarria • Murgia (Paularrak) • Ametzaga • Beluntza (Soleta) • Izarra • Lezama • Larrinbe • Amurrio • Amurrio (San Jose) • Luiaondo (Malato) • Luiaondo • Laudio (Gurutze Gorria) • Laudio • Areta • Laudio (Ugarte) • Okondo Artziniega

Gainera, Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 5 Urduña Izarra Murgia Gopegi Urduña (suhiltzaileak) • Apregindana • Untzaga • Uzkio Urkabustaiz • Oiardo • Goiuri • Beluntza • Ziorraga • Altube • Gillerna • Lukiano • Aperregi • Donamaikia • Jugo • Bitoriano • Zarate • Markia • Sarria • Olano • Letona • Zaitegi Urduña Izarra Murgia Gopegi

Argazki galeria

• 
  Zuiako udaletxea, Murgian
• 
  San Migel Goiaingeruaren eliza
• 
  Osasun etxea

Murgiar ospetsuak

• Luis Alaba Sautu (1890–1943), politikaria.
• Mikel Landa (1989–), txirrindularia.
• Unai Simón (1997–), futbolaria.

Erreferentziak

1. Euskaltzaindia: Zuia toponimoa, Euskal Onomastikaren Datutegia.

Ikus, gainera

• Araba
• Arabako udalerrien zerrenda
• Gasteiz eta Araba Erdialdeko eremu funtzionala
• Gorbeialdea

Kanpo estekak

• Murgia, Zuiako Udalaren webgune zaharrean.
• Murgia udalaren web orri berrian: https://web.archive.org/web/20230427193202/https://www.zuia.eus/Herriak/Murgia

• Datuak: Q3328088
• Multimedia: Murgia / Q3328088

Euskarazko Wikipedian bada atari bat, gai hau duena: Araba