MrBeast
youtuber estatubatuarra From Wikipedia, the free encyclopedia
youtuber estatubatuarra From Wikipedia, the free encyclopedia
Jimmy Donaldson (Wichita, Kansas, 1998ko maiatzaren 7a), MrBeast, youtuber, enpresaburu eta filantropo estatubatuarra da.[1] Ezaguna da, bere bideoetan, erronkak burutzearren truke jendeari dirutzak eman izanagaitik.[2][3]
| MrBeast | |
|---|---|
.jpg) | |
| Bizitza | |
| Jaiotza | Wichita, 1998ko maiatzaren 7a (26 urte) |
| Herrialdea |  Ameriketako Estatu Batuak |
| Bizilekua | Greenville (Ipar Carolina) |
| Familia | |
| Bikotekidea(k) | ikusi
|
| Anai-arrebak | ikusi
|
| Hezkuntza | |
| Heziketa | East Carolina University (en)  (2016 - baliorik ez |
| Hizkuntzak | ingelesa |
| Jarduerak | |
| Jarduerak | youtuberra, filantropoa eta enpresaburua |
| Altuera | 1,89 metro |
| Lan nabarmenak | ikusi
|
| Jasotako sariak | ikusi
|
| Izengoitia(k) | MrBeast |
| Genero artistikoa | stunt philanthropism (en) reality show (en) |
          | |
 | |
1998ko maiatzaren 7an jaio zen.[4] Raleighen (Ipar Carolina) bizi da, Greenvilleko Akademia Kristauan graduatu zen 2016. urtean.[5] Newsweek-en arabera, unibertsitatea alde batera utzi eta bere youtuber ibilbidea abiatu zuen.[6] CJ Donaldson izeneko anaia zaharragoa du, MrBro kanalaren jabea.[7] Donaldsonek Crohn-en gaixotasuna du, hesteetako hanturazko gaixotasuna.[8]
2011n hasi zen bideoak egiten YouTuben, hamahiru urterekin, MrBeast6000 izenarekin.[9] Hasierako edukia askotarikoa zen, besteak beste, jolas dezagun eta Youtuberren ondarearen zenbatespenak egiten zituen bideoetan.[6] Hala ere, bisita-kopuruak nahiko apalak ziren, eta bideoek mila bisita inguru jasotzen zituzten. 2017an "Counting to 100,000"(100.000 arte zenbatzen) bideoa argitaratu zuen arte. Bideo horrek dozenaka mila bisita izan zituen egun gutxitan.[6] 2022ko martxoan, 91,3 milioi harpidedun zituen YouTuben.[10] Egoitza Dallasen duen Night Media talentuak kudeatzeko enpresako kidea da gaur egun.[11]
Bere bideoek erronkak eta apustuak aurkezten dituzte. Sarritan, hirugarrenek diruz babesten dituzte bere bideoak, eta bertan, dirutza handiak oparitzen dizkie bertan parte hartzen duten pertsona ezezagunei.[5][12]
2017. urteko urtarrilean ia hogeita lau orduko bideo bat argitaratu zuen, 100.000 arte kontatzen zuena. Bideoaren ekoizpenak 40 ordu iraun zuen guztira; Jimmyk bideoaren zati batzuk bizkortu behar izan zituen "24 ordu baino gutxiago iraun zezan".[13] Urte bereko otsailean, Counting to 200.000 izeneko beste bideo bat igo zuen. Bideoaren arabera, bideo honetan ere zati batzuk kamera bizkorrera eraman behar izan ziren, bideoaren berrogeita hamabost orduek YouTube-ren karga-muga gainditzen baitzuten.[14] Era berean, ehun bozgorailuekin kristalak hausten saiatu zen, ordubetez pintura lehortzen ikusi zuen, 24 orduz ur azpian egoten ere saiatu zen (baina huts egin zuen, osasun-arazoak zirela eta), arrakastarik gabe, fidget spinner bat birarazten saiatu zen egun oso batez, nahiz eta bideo hori iada ez dagoen eskuragarri.[5][15] 2019ko martxoan, battle royale bideo-jokoen lehiaketa bat antolatu eta filmatu zuen Los Angelesen, eta 200.000 dolarreko saria banatu zuen (bi joko jokatu ziren; beraz, jasotako saria 100.000 eurokoa izan zen joko bakoitzeko), Apex Legendsekin lankidetzan burutu zuen.[16]
Normalean, Donaldson bideoetan diru kopuru handiak oparituz ikus daiteke; adibidez, 2018ko abenduan, 100.000 dolar estatubatuar eman zituen etxerik gabeko pertsonentzako babeslekuetako elementuetan.[17][18][19] Beste 32.000 dolar eman zizkion armadako beteranoen soldadu zaurituen programari; 70.000 dolar Saint Jude Children's Research Ospitaleari, eta beste 10.000 dolar animaliak babesteko Los Angeleseko elkarte bati.[20] YouTubeko bideo garesti gehienak Honey kupoi-konpainiak finantzatu eta babesten dizkio.[21] PewDie Pie eta T-Series-en arteko harpidedun-batailak iraun bitartean, Donaldsonek publizitate-hesiak eta irratirako iragarki ugari erosi zituen lehiaketa sustatzeko; Super Bowl LIII delakoan, hainbat eserleku erosi zituen beretzat eta bere taldearentzat, eta haien elastikoek "Sub 2 PewDie Pie"(harpidetu PewDiePie-ra) esaten zuten.[22][23][24]
Azaroaren 24an, $456,000 Squid Game In Real Life! izeneko bideo bat igo zuen bere kanalera. Bideo hori 31 milioi bisualizaziotara iritsi zen lehen hamabost orduetan, Netflixen Txibiaren jokoa seriearen omenezko bideoa da.[25] Jokoan 3,5 milioi dolar (3,12 milioi euro) inbertitu zituen, Sare sozialetan berak zioenez: bi milioi produkziorako eta beste 1,5 sariak dirutan emateko.[26][27] Bideojoko batek babestu zuen edukia, eta YouTuben esekitako 25 minutuko bideoaren zati bat hartzen du.[28] Ibai Llanos-i elkarrekin lankidetzan aritzea proposatu zion MrBeastek sare sozialetarako pentsatutako edukiren batean.[25][29]
2019ko urriaren 25ean, 7:00etan. UTC, Donaldson eta NASAko ingeniari ohia Mark Roberrek ekitaldi bat antolatu zuen YouTuben #TeamTrees izeneko diru-bilketa gauzatzeko. Proiektuaren helburua 2020ko urtarrilaren 1a baino lehen Arbor Day Fundaziorako 20 milioi dolar biltzea zen eta "beranduenez 2022ko abenduan" zuhaitzak landatzea. Antolatzaileek zuhaitz bat landatuko lukete bildutako dolar bakoitzeko. Dohaintza bakoitza Arbor Day Fundazioari emango zion, eta hark hitz eman zuen zuhaitz bat landatuko zuela dolar bakoitzeko. Hainbat YouTuber-ek eta Rhett & Link, Marshmello, iJustine, Marques Brownlee, The Slow Mo Guys, Ninja, Simone Giertz, Jacksepticeye edo Smarter Every Dayk jarri zuten arreta diru-bilketan. 2019ko urrian hasi ziren zuhaitzak landatzen Estatu Batuetako parke nazionaletan.[30][31] Proiektua abiatu eta 24 ordura, berau 67 egunekoa zen, ia 4 milioi dolar batuak zituzten.[32] Urte horretako abenduaren 19an 20.000.000 dolarreko helburua gainditu zen.[33] Eta 2020ko maiatzaren 27rako, proiektuak 22 milioi dolar baino gehiago bildu zituen. Horrez gain, Jack Dorsey, Susan Wojcicki, Elon Musk[34] edo Tobias Lütke exekutibo korporatiboen dohaintza handiak jaso ditu proiektuak.[35]
