Mikel Martin Conde
Euskal Herriko LGTBIQ+ aktibista From Wikipedia, the free encyclopedia
Mikel Martín Conde (Errenteria, 1954ko irailaren 21a - Errenteria, 2023ko martxoaren 2a[1]) LGTBI aktibista eta EHGAM, EMK, ZUTIK, Alternatiba eta EH Bilduko kidea izan zen.[2]
| Mikel Martin Conde | |
|---|---|
.jpg) | |
| Bizitza | |
| Jaiotzako izen-deiturak | Mikel Martín Conde |
| Jaiotza | Errenteria, 1954ko irailaren 21a |
| Herrialdea | Gipuzkoa, Euskal Herria |
| Lehen hizkuntza | euskara |
| Heriotza | Errenteria, 2023ko martxoaren 2a (68 urte) |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | LGBT ekintzailea |
| Kidetza | Euskal Herriko Gay-Les Askapen Mugimendua Zutik Alternatiba (alderdia) Euskal Herria Bildu Euskadiko Mugimendu Komunista |
| Mugimendua | Antifrankismoa |
| Izengoitia(k) | Mikela |
 | |
Ibilbidea
16 urterekin hasi zuen militantzia politikoa.[3]
1979an Vicente Vadillo Santamaria Francis trabestia hil zuten Errenterian, eta handik hilabete batzuetara atera zen armairutik.[4] Garai berean, EHGAMeko talde bat existitzen zela Bizkaian jakin zuen, eta hango kideekin harremanetan jarri zen.
Euskal Herriko Gay Askapen mugimenduaren aurpegi ezaguna eta erreferentea izan zen. EHGAM Euskal Herriko Sexu Askapenerako Mugimenduaren militantea izan zen, beste hainbat kiderekin batera.[5]
Hies gaitzaren inguruko pedagogia lana egin zuen, eta estigmatizazioaren aurka borroka egin zuen. [6]
Militar espainiarren erasoa
2005ean Espainiako Armadako lau militarrek jipoitu zuten Donostian eta honen ondorioz 137 egunez egon behar izan zuen ospitalean ingresatua. 2011 arte ez zen gertakari haiengatik epairik egon.[7] Mikelen esanetan "taxira nindoala, lau lagun ikusi nituen, nahiko jarrera bortitzean, kale seinaleak eta abarrekoak kolpatzen, ostikoka. Halako batean, niregana hurbildu, eta iraintzen hasi zitzaizkidan, zentzurik gabe" eta Ibarretxe Planaren eta ETAren aldekoa ote zen galdetzen zioten bitartean, konorterik gabe utzi arte[8][9]. Sei urte beranduago Donostiako Lurralde Auzitegiak bi urteko kartzela zigorra ezarri zien Mikel Martín Zutikeko kidea eta EGHAMeko bozeramailea kolpatu zuten bi militarrei. Epaileak probatutzat jo zuen lau auzipetuetako bik ostikoka eta ukabilka jo zutela Martín. Epailearen iritziz, beste bi militarrek ez zuten erasoa saihestu eta, ondorioz, 15 hilabetez isuna ordaindu behar izan zuten[10].
Horrez gain, kalte ordaina egin behar izan zioten Mikel Martín, beste bi akusatuekin batera. Orotara 7.600 euro ordainduko zizkioten, jasan zituen zauriengatik eta kalte psikologikoarengatik.
Alderdi politikoetan partaidetza
Zutik eta Munduan Elkarlanean elkarteetan aritu zen Martin, baita Alternatiba eta EH Bildu mugimendu politikoetan. Errenteriako Udaleko LGTBI+ Aholku Kontseilua sortzen ere lagundu zuen.[11]
Aitortzak
Herrigintzari bere bizitzan ekarpen asko egin zizkion eta OaingozHau mugimenduak omenaldia egin zion 2018ko Madalena jaietan.[12]
2023an, Kataluiniako Observatori Contra l´Homofobiak LGTBI kolektiboaren eskubide eta askatasunen borrokan egindako ibilbide aktibista nekaezina aitortu zion. [13]
2023an, Mikelaldia izeneko jardunaldiak antolatu ziren, Mikel Martinen omenez, Errenterian.[14]
Argazkiak
Mikel Martín Conde, Errenteria, 2021eko ekainaren 27an Ortzadar banderaren igoeran.
Mikel Martin Oaingozhau kolektiboak Madalena jaien hasieran egindako omenaldian suziria botatzen.
.jpg)
Erreferentziak
Ikus, gainera
Kanpo estekak
Wikiwand - on
Seamless Wikipedia browsing. On steroids.